2023 йил 26-октябрь куни InterContinental Tashkent меҳмонхонасида мамлакатда йилнинг энг асосий финтех тадбири – UZCARD Форум бўлиб ўтади ва у Ўзбекистоннинг банк ва финтех соҳалари пешқадамларини ягона бизнес майдонда бирлаштиради.
UZCARD Форум нетворкинг учун қулай платформа бўлиб, очиқ мулоқот ўрнатиш, финтех дунёсидаги трендлар ва тенденциялар ҳақида маълумот олиш имконини беради. UZCARD ўз ҳамкорлари билан биргаликда интиладиган ўзаро ҳамкорликдаги очиқ мулоқотни ривожлантириш тадбирнинг асосий ғояси бўлиб танланди.
UZCARD Форум муҳокамаларининг асосий мавзулари Ўзбекистон банк соҳаси учун глобал тенденциялар, Big Datа билан ишлаш масалалари, банкларнинг рақамли трансформация дарслари ва бошқа долзарб мавзулар кўриб чиқилади. Тадбир давомида UZCARD ва ҳамкорлардан янги дастурлар тақдимоти кутилмоқда.
Анжуманнинг махсус меҳмонлари Ўзбекистон банк соҳаси мутахассислари, шунингдек дунёга машҳур хорижий компаниялар вакиллари: PWC, ECОPSI, McKinsey&Company, Datatех ва бошқалар бўлади.
Шунингдек UZCARD Форум доирасида процессинг маркази фаолияти, ахборот хавфсизлиги, тўлов тизимлари, HR, содиқлик дастурлари, маркетинг бўйича долзарб мавзуларда бир қатор профессионал семинар ва тренинглар тайёрлаган топ бизнес-спикерларни тўплайдиган сессиялар ҳам ўтказилади. Халқаро экспертлар ва маслаҳатчилар ўзларининг амалий тажрибалари билан ўртоқлашадилар ва интерактив тренинглар ўтказадилар.
Форум ташкилотчиси «Ягона умумреспублика процессинг маркази» МЧЖ (UZCARD савдо белгиси) ҳисобланади. Компания эквайринг фаолияти, электрон тўловлар процессингини таъминлайди, шунингдек банклар, тўлов ташкилотлари ва бозорнинг бошқа иштирокчиларини бирлаштирган ҳолда провайдер вазифасини бажаради.
UZCARD Форум ҳақида батафсил маълумотларни https://forum.uzcard.uz веб-сайтида ёки форумнинг Telegram: t.me/uzcardforum каналида топишингиз мумкин.
Реклама ҳуқуқи асосида.
Изоҳ (0)