“ПСЖ” жамоасининг 4 нафар футболчиси Франция чемпионати доирасидаги битта ўйинга дисквалификация қилинди.
Рандал Коло-Муани, Усмон Дембеле, Ашраф Ҳакими ва Левен Курзава Лига 1 нинг 6-туридан ўрин олган “Марсель”га қарши ушрашувдан сўнг рақиб жамоа шаънига ҳақоратлар ёғдирганди.
Ҳакам ҳуштаги янграгач, футболчилар мухлислар томонга йўл олган. Ярим ҳимоячи Уоррен Заир-Эмери мегафонни олиб, мухлислар билан бирга қўшиқ куйлаган. У тарафдан ҳеч қандай ёмон сўзлар янграмаган, бироқ видеога Коло-Муани, Дембеле, Ҳакими ва Курзаванинг ҳақоратли сўзлар ишлатиб, бақираётгани тушиб қолган.
Шу тариқа футболчилар учун дисквалификация 10-октябрдан ишга тушади. Коло-Муани, Дембеле, Ҳакими ва Курзава 8-октябрь куни “Ренн”га қарши учрашувда майдонга туша олади. Лекин 9-турдан ўрин олган “Страсбур”га қарши ўйинни ўтказиб юборади.
Изоҳ (0)