Олимхон Рустамов Қашқадарё вилояти ҳокимининг ўринбосари — вилоят инвестициялар, саноат ва савдо бошқармаси бошлиғи лавозимига тайинланди. Бу ҳақда вилоят ҳокимлиги ахборот хизмати хабар берди.
Олимхон Рустамов 1966 йил Тошкент шаҳрида туғилган. Тошкент халқ хўжалиги институти, Ломоносов номидаги Москва давлат университети ва Ўзбекистон президенти ҳузуридаги Давлат ва жамият қурилиши академиясини тамомлаган.
Тайинловга қадар инвестициялар, саноат ва савдо вазири ўринбосари лавозимида фаолият юритган. Сентябр охирларида у президентнинг тегишли фармони билан лавозимдан олинган эди.
Бундан аввал Ботир Аҳмедов Бухоро вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари этиб тайинланганди. Шунингдек, Ҳабиб Сирожиддинов Фарғона вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари этиб тайинлангани тўғрисида хабар берилган эди.
Изоҳ (0)