Доҳа шаҳридаги “Amiri Девон” мажмуасида давлат ташрифи билан Қатарда бўлиб турган Шавкат Мирзиёевни расмий кутиб олишга бағишланган тантанали маросим бўлиб ўтди.
Президент матбуот хизматининг хабар қилишича, Ўзбекистон етакчисини Қатар амири шайх Тамим бин Ҳамад ал-Соний самимий кутиб олди. Олий мартабали меҳмон шарафига фахрий қоровул саф тортди. Ҳарбий оркест икки мамлакат мадҳияларини ижро этди. Давлат раҳбарлари фахрий қоровул сафи олдидан ўтдилар ва расмий делегациялар аъзоларини қутлади.
.jpg)
.jpg)
.jpg)
.jpg)
.jpg)
Маросимдан сўнг олий даражадаги музокаралар бошланди.
Шавкат Мирзиёевнинг Қатарга ташрифи тавсилотлари
Шавкат Мирзиёев Қатар амири шайх Тамим ибн Ҳамад ал-Соний таклифига биноан 1-окйтабрдан буён давлат ташрифи билан Қатарнинг Доҳа шаҳрида бўлиб турибди. Ташриф давомида Қатарнинг етакчи энергетика корпорацияси бўлган Небрас Power бошқаруви раиси Муҳаммад ал-Ҳажрийни қабул қилди. Учрашувда Тошкент вилоятида 600 МВт қувватли энергия сақлаш тизимларини яратиш ҳамда Қорақалпоғистонда 1 ГВт қувватли шамол электр станциясини ишга тушириш бўйича қўшма режалар муҳокама қилинди.
Қатар инвестициялар агентлиги директори Бандар ибн Сауд ал-Сонийни қабул қилди. Учрашувда агентликнинг тўғридан-тўғри инвестицияларини Ўзбекистонда “яшил” энергетика объектлари — қуёш ва шамол станцияларини қуриш, транспорт инфратузилмасини модернизация қилиш, жумладан замонавий авиатерминаллар барпо этиш ва бошқа инвестиция лойиҳаларига жалб қилиш масалалари кўриб чиқилди. Илғор банк-молия хизматларини, жумладан ислом молияси дастурлари доирасида ривожлантиришдан манфаатдорлик билдирилди.
Power International Ҳолдинг компанияси бошқаруви раиси Мутаз ал-Ҳайят билан учрашувда Ўзбекистонда юқори тезликда ҳаракатланишга мўлжалланган автомобиль магистралини барпо этиш, аммиак ва карбамид ишлаб чиқариш ҳажмини ошириш, ишбилармонлик ва меҳмонхона инфратузилмаси, соғлиқни сақлаш объектларини ташкил этиш лойиҳалари муҳокама қилинди.
Ал Мирқаб Cапитал холдинг компанияси ижрочи директори Саиф ур-Раҳмон Хон билан Тошкент вилоятида логистика маркази, Бухоро шаҳрида меҳмонхона-конгресс мажмуасини қуриш, Ўзбекистонда электр ишлаб чиқариш қувватларини кенгайтиришга инвестиция киритиш режалари кўриб чиқилди.
Изоҳ (0)