Ўзбекистон президенти Шавкат Мирзиёев Қатар давлати амири шайх Тамим ибн Ҳамад Ол Сонийнинг таклифига биноан давлат ташрифи билан Доҳа шаҳрига келди. Бу ҳақда президент матбуот хизмати хабар берди.
.jpg)
Шайх Ҳамад номидаги халқаро аэропортида олий мартабали меҳмон шарафига фахрий қоровул саф тортди.
.jpg)
.jpg)
.jpg)
Президентни Қатар бош вазири – ташқи ишлар вазири шайх Муҳаммад ибн Абдураҳмон Ол Соний ва бошқа расмий шахслар кутиб олди.
Давлат ташрифи дастурига мувофиқ, эртага олий даражадаги учрашувлар бўлиб ўтади, етакчилар Ўзбекистон-Қатар муносабатларини янада мустаҳкамлаш ҳамда кўп қиррали ҳамкорликни, энг аввало, сиёсий, савдо-иқтисодий, инвестициявий ва маданий-гуманитар соҳаларда ривожлантириш масалаларини муҳокама қилади.
.jpg)
Президент Қатар ишбилармон доиралари вакиллари билан учрашувлар ўтказиши ҳам кўзда тутилган.
.jpg)
Эслатиб ўтамиз, июнь ойида Самарқандда Шавкат Мирзиёев ва давлат ташрифи билан Ўзбекистонга келган Қатар амири шайх Тамим ибн Ҳамад Ол Соний музокаралари бўлиб ўтганди. Музокаралар якунида савдо-иқтисодий, инвестициявий, маданий-гуманитар ва бошқа соҳалардаги ҳамкорликни ривожлантиришга қаратилган 15 та ҳужжат имзоланган.
Изоҳ (0)