Туркманистон президенти Сердар Бердимуҳамедовга “Олтин Ай” олтин белгиси билан олий мукофот — “Туркманистон қаҳрамони” унвони берилди. Бу ҳақда маҳаллий нашр хабар берди.
“Туркманистон Мажлиси мамлакатнинг ҳурматли президенти Бердимуҳамедов Сердар Гурбангулиевичга олий даражадаги унвон бериш тўғрисида қарор қабул қилди”, — дейилади хабарда.
Президентга ушбу унвонга “Туркманистон миллий мустақиллиги асосларини, мамлакатнинг бетарафлик тамойилларини мустаҳкамлашга қўшган улкан шахсий ҳиссаси, демократик, ҳуқуқий ва дунёвий давлатни жадал ривожлантиришда давлат ва жамият олдидаги алоҳида хизматлари учун” сазовор бўлган.
- Сердар Бердимуҳамедов 2022 йил мартида бўлиб ўтган навбатдан ташқари сайловларда ғалаба қозониб, Туркманистон президенти бўлди. Бунгача мамлакатни 2006—2022 йилларда бошқарган отаси Гурбангули Бердимуҳамедов ўзининг “осон бўлмаган” қарорини эълон қилди ва лавозимни тарк этди.
- 2023 йил январида собиқ президент Гурбангули Бердимуҳамедов миллий лидер деб эълон қилинди. Шу ойда мамлакат президенти Сердар Бердимуҳамедовга генерал унвони берилди. 2023 йил июнь ойида Туркманистонда Гурбангули Бердимуҳамедов номи билан аталган Аркадағ шаҳри очилди.
- Шаҳар пойтахтдан 30 километр узоқликда жойлашган. У 73 минг кишига мўлжалланган. Мамлакат расмийлари қурилиш учун 5 миллиард доллар сарфлаган.
Изоҳ (0)