Лас-Вегас полицияси 1996 йилда рэпер Тупак Шакурнинг ўлдирилиши бўйича тергов доирасида гумонланувчини ҳибсга олди. Бу ҳақда Associated Press хабар бермоқда.
Қўлга олинган шахс 60 ёшли гиёҳванд моддалар сотувчиси Дуэйн Дэвис бўлиб, у Киф Ди номи билан ҳам танилган. У илгари ҳам қотилликда айбланган.
AP таъкидлашича, тахминан икки ой олдин полиция Тупак Шакурнинг қотиллиги юзасидан тергов доирасида Дэвиснинг рафиқаси уйида тинтув ўтказган.
Тупак Шакур тарихдаги энг нуфузли реп усталаридан бири эди, унинг фаолияти хип-хопнинг ривожланиши ва оммалашишига катта таъсир кўрсатди.
Тупак Шакур 1996 йил сентябр ойида 25 ёшида вафот этди. Мусиқачи ўтирган машинага бошқа машинадан ўқ узилган. У кўплаб жароҳатлар олган ва олти кундан кейин касалхонада вафот этган.
Тупак Шакурнинг ўлдирилиши бўйича терговда ҳозиргача ҳеч ким ҳибсга олинмаган эди. Аввал Давис бу ишда гувоҳ сифатида кўрсатилган. 2018 йилда у ўқ узилган машинада бўлганини тан олди — аммо отишмани Тупак билан жанжаллашиб қолган жияни Orlando Андерсон уюштирганини айтди. Андерсон 1998 йилда ўлдириб кетилган; ўлимига қадар у Шакурнинг қотиллигига алоқадорлигини қатъиян рад этиб келган.
Изоҳ (0)