Тошкент шаҳар ҳокими вазифасини бажарувчи Шавкат Умурзаков пойтахтнинг 12 тумани ҳокимликларига фавқулодда ҳодисадан зарар кўрган объект ва ҳудудларни тиклаш бўйича вазифаларни тақсимлади. Бу ҳақда Тошкент шаҳар ҳокимлиги матбуот хизмати хабар берди.
Хусусан, Мирзо Улуғбек туманига Сергели тумани “Қурувчилар” мавзесидаги 20 ва 30-сонли кўп қаватли уйлар таъмирлаш ва тиклаш учун бириктирилган.
Бектемир туманига эса мавзесдаги 2 ва 4-сонли, Юнусобод туманига 12, 13, 14, 15 ва 16-сонли кўп қаватли уйларни таъмирлаш ва тиклаш учун бириктирилди.
Яккасарой туманига бириктирилган “Қурувчи” маҳалласидаги 21-сонли кўп қаватли уйлардаги зарар етган хонадонлар таъмирлаб бериш ишлари бошлангани сабабли туман ҳокимлиги томонидан тўртта оила Яккасарой туманидаги Анваръс гуэсц меҳмонхонасига жойлаштирилган.
Сергели туманида кучли портлаш
Тошкент шаҳри Сергели туманидаги “Қурувчилар” даҳасида Inter Logistics МЧЖга қарашли омборхонада кучли портлаш ва ёнғин 28-сентябр куни тунда содир бўлганди. Ҳодиса оқибатида жабрланганларнинг умумий сони 163 кишини ташкил этди, бир нафар ўсмир ҳодиса оқибатида вафот этди. Мазкур ҳолат юзасидан ИИВ Тергов департаменти томонидан Жиноят кодексининг 259-моддаси (ёнғин хавфсизлиги қоидаларини бузиш) 2-қисми “а” ва ”б” бандлари билан жиноят иши қўзғатилди.
Содир бўлган фавқулодда ҳодисани ўрганиш, кўрилган талафотларни бартараф этиш ва жабрланганларга ёрдам кўрсатиш бўйича президент топшириғига кўра ҳукумат комиссияси тузилди. Унга кўра, комиссия фавқулодда ҳолат оқибатида зарар етказилган ҳар бир уй-жойни, жумладан, аҳоли хонадонлари, кўп қаватли уй-жойларнинг фасад қисмлари, дераза ва ромлари ҳамда таъмирталаб аҳволга келиб қолган бошқа бино ва иншоотларга етказилган зарарларни бартараф этиш бўйича моддий ёрдам кўрсатиш чораларини кўради.
Изоҳ (0)