“Такси” фильмидаги Петра — актриса Эмма Виклунднинг тақдири қандай кечди?

Эмма Виклунд 1968 йилда Стокгольмда туғилган. Унинг отаси швед, онаси африкалик бўлиб, қизининг ёшлигидаёқ ажрашиб кетган. Эмма оиласи бўлиниб кетганидан сўнг ўзини атрофдаги одамлардан торта бошлаган.

Орадан бир неча йил ўтиб, актриса ҳаётда кутилмаган зарбага учради — у онкологик касалликка чалинган эди. Унга қон саратони ташхиси қўйилди. Онаси ҳамиша Эммани қўллаб-қувватлашга ҳаракат қилди ва у билан биргаликда машаққатли йўлни босиб ўтди. Касалликнинг ортга чекиниши ўзи билан бирга қиздаги депрессияни ҳам олиб кетди. Шундан сўнг Эмма ҳаётнинг ҳар бир онини қадрлаш кераклигини тушуниб етди — дўстлар орттирди, очиқ, қувноқ ва хушчақчақ қизга айланди.

Йиллар давомидан Эммани балерина бўлиш орзуси тарк этмади, лекин унинг жуда ҳам баланд бўйи бунга тўсқинлик қилди. Қиз умидсизликка тушмай, ўзининг истеъдодини очишга бор кучи билан ҳаракат қилди. Кутилмаганда камера қаршисидаги маҳоратини англаб етди. Бу қобилият актрисанинг тақдирини ҳал қилди — у 16 ёшида таниқли моделга айланди. У ўзгача гўзаллиги туфайли “Гавайи гўзали” танловида ғолибликни осонгина қўлга киритди. Бундай ғалаба Швеция тарихида биринчиси эди.

Танловдан сўнг Эмманинг машҳурлиги ортиб борди. У Vogue, Elle ва Cosmopolitan каби нуфузли журналлар учун суратга тушди. Ҳаттоки моделлик агентлари Эмма билан ҳамкорлик қилиш учун навбатда туришига тўғри келди. Шунингдек, машҳур француз моделери ва дизайнери Кристиан Лакруа Эммага ўзининг мода уйидан иш таклиф қилиб, унинг машҳурлиги янада ортишида ёрдам берди.

Актрисалик борасидаги илк тажриба 1992 йил Жорж Майклнинг “Жуда қизиқ” видеофильмида рўй берган. Ўшанда Эмма бошқа моделлар қаторида рол ижро этганди. Айнан ўша йилдан у фильмларда суратга тушишни бошлади ва буни яхши уддалади. 1994 йил Марчелло Мастроянни, Софи Лорен, Жулия Робертс, Ким Бейсингер каби машҳур актёрларнинг ижодий ишига гувоҳ бўлди, уларнинг барчаси моделлаштириш бизнеси ҳақидаги фильм устида ишлади, у ерда Эмма ҳам суратга тушди.

1998 йилга келиб Эмманинг “Такси” комедиясининг асосий ролларидан бирига таклиф қилиниши унинг машҳурлик чўққисига чиқишига сабаб бўлди. Актрисанинг комедиядаги қаҳрамони полиция ходими эди. Фильм шу даражада муваффақиятга эришдики, бунинг учун “Сезар” мукофоти ҳамда 210 миллион доллар даромад кўрди.

Фильм яхши кутиб олинганидан сўнг, картинанинг 5 та қисми эфирга узатилди, Эмма эса тўртинчи қисмгача рол ўйнади. Шунингдек, актриса параллел равишда ҳам бошқа фильмларда суратга тушди. Бундан ташқари, Эмманинг Швеция томошабинлари учун жуда севимли бўлган телевизион дастури ҳам мавжуд.

Эмма Собер таниқли киноюлдуз бўлишдан ташқари, меҳрибон она ҳамдир. Унинг икки фарзанди бор: ўғли Элис ва қизи Тайра. Фарзандларининг отаси — Ганс Виклунд билан турмуши ўхшамади, улар 13 йил бирга яшаб, ажрашишга қарор қилди. Аммо муносабатларини яхши ҳолатда сақлаб қолди.

Ҳозирда Эмма муваффақиятли тадбиркор, у Линдех компаниясининг директори. Бундан ташқари, актриса тери парвариши косметикасини ишлаб чиқаришга мўлжалланган Emma S савдо белгисининг эгаси ҳисобланади.

Эмма ҳаётда фаол бўлишга интилади, спорт билан мунтазам равишда шуғулланади. Эстетик завқланиш учун театрларга ташриф буюради, шунингдек, саёҳат қилишни ҳам яхши кўради.

Эмма ўзини кўпинча хайрия ишларига бағишлайди, айниқса, саратон касаллигига чалинган инсонларга ёрдам беради. Беморларни моддий ва маънавий қўллаб-қувватлашга ҳаракат қилади. Касалликка қарши курашишда кучли бўлишни ўргатади.