“Такси” фильмининг энг эсда қоларли қаҳрамонларидан бири комиссар Жибер ролини француз актёри Бернар Фарси ижро этган. Қуйида таниқли актёрнинг ҳаёт ва ижод йўлига назар ташлаймиз.
Бернар Фарси 1949 йилнинг 17 мартида Франциянинг Лион шаҳрида туғилган. Унинг оиласи ҳарбийлардан иборат бўлиб, театр ва кино оламидан узоқда эди. Фарси болалигиданоқ санъатга қизиқа бошлаган. У мусиқа ва рақс миллий консерваториясида ўқий бошлаган, кейинчалик уни ташлаб қўйган. Бернар Реймсдаги театр мактабини тамомлаб, Парижга борган.
Фарси актёр сифатидаги илк қадамларини Monparnas театрида ташлаган. Фарси бу ерда иккинчи даражали ролларни ижро этган. Бир вақтнинг ўзида у кастинг ва киносиновларга бориб, фильмларда роллер ижро этишга ҳам ҳаракат қилган. Фарсига кўплаб киностудиялар рад жавобини берарди. Сабаби унинг ташқи кўриниши ўша пайтдаги Франция кинематографи талабларига мос келмасди.
Фарсининг ижодий юксалиши 80 йилларга тўғри келади. Ўшанда у француз режиссёрлари томонидан суратга олинган кўплаб кинофильмларда суратга туша бошлаган. 1983 йилда Бернарга “Ой акси” деб номланган фильмда суратга тушишни таклиф қилишган. Ёш актёр картина персонажлари орасида эътиборга тушмаган бўлса-да, Фарси француз киносининг юлдузлари билан битта майдончада ишлашга муваффақ бўлди.
2000 йиллар Бернарнинг фильмографияси ёрқин лойиҳалар билан бойиди. У актёр сифатида ўзини ҳам драматик, ҳам комедик роллар билан синаб кўрди. 2001 йилда “Бўри қардошлиги” триллери экранларга чиқди. Фильм томошабинни 18-асрга Франция жанубида юз бераётган ваҳший қотилликлар оламига шўнғишга ундайди. Ушбу фильмда Бернар билан биргаликда Венсан Кассел, Моника Беллуччи каби таниқли актёрлар суратга тушган. Моника Беллуччи билан биргаликда актёр “Астерикс ва Обеликс: Клеопатра миссияси” картинасида ҳам бирга ишлаган.
“Такси”
Фарсига ҳақиқий шон-шуҳрат Люк Бессоннинг “Такси” фильми орқали келди. Фильмининг биринчи қисми 1998 йилда эфирга узатилган бўлиб, Фарси унда комиссар Жибер ролини ижро этган. Пицсериянинг собиқ курери Даниэль ва омадсиз полициячи Эмиленнинг кулгили саргузаштлари ҳақидаги картина нафақат Франция, балки бутун дунёда машҳурликка эришди.
Шахсий ҳаёт
Бернар Фарсининг шахсий ҳаёти ҳақида маълумотлар мавжуд эмас. Актёр на рафиқаси ва на фарзандлари ҳақида оммага ҳеч қандай маълумот бермайди. Журналистлар Бернардан шахсий ҳаёти ҳақида бир неча марта сўраган, аммо актёр интервьюларида фақат театр ва кино ҳақида гапиришни афзал кўрган. Фарси ижтимоий тармоқлардан фойдаланмайди, шунинг учун у ҳозирда қандай ҳаёт кечириши ҳақида маълумотлар мавжуд эмас.
Бернар ҳозирда ҳам фильмларда суратга тушишда давом этмоқда. Актёрнинг мухлислари унинг 2023 йилда кекса эр-хотинларнинг ҳаёти ҳақидаги фильмда суратга тушганини эшитиб, хурсанд бўлишлари аниқ.
Изоҳ (0)