Футбол бўйича Осиё ўйинлари доирасида Ўзбекистон Олимпия терма жамоаси 22 сентябрь, жума куни Гонгконга қарши майдонга тушди.
Учрашувнинг биринчи бўлимида дарвозалар ишғол этилмади. Иккинчи бўлимда эса ўзбекистонликлар хавфли ҳужумларни уюштира бошлади. 65-дақиқада Улуғбек Ҳошимов ажойиб рейд уюштириб, жарима майдони ташқарисидан кучли зарба йўллади ва тўп дарвозадан жой олди.
Ушбу гол ўйинда ягоналигича қолди ва Тимур Кападзе шогирдлари ғалабасини таъминлади.
Эслатиб ўтамиз, C гуруҳида фақатгина Ўзбекистон ва Гонгконг терма жамоалари иштирок этмоқда. Гуруҳдаги қолган икки терма жамоа Афғонистон ва Сурия мусобақа бошланишига 2 кун қолганда иштирок этмаслигини маълум қилганди.
Осиё ўйинлари
22 сентябрь, жума
Гонгконг – Ўзбекистон 0:1
Гол: 0:1 — 65 Ҳошимов
Ўзбекистон: 12. Владимир Назаров, 2. Саидазамат Мирсаидов, 5. Муҳаммадқодир Ҳамралиев, 7. Ҳожимат Эркинов, 8. Иброҳим Ибрагимов, 10. Жасурбек Жалолиддинов, 14. Иброҳимҳалил Йўлдошев, 17. Абдурауф Бўриев, 18. Алибек Давронов, 19. Ҳусайн Норчаев, 20. Русланбек Жиянов.
Изоҳ (0)