Ўзбекистон мудофаа вазири Баҳодир Қурбонов 26-сентябр куни АҚШ Марказий қўмондонлиги қўмондони Майкл Куриллани қабул қилди.
Вазирлик матбуот хизматининг маълум қилишича, дастлаб меҳмонларни фахрий қоровул иштирокида расмий кутиб олиш маросими бўлиб ўтди. Ҳарбий оркестр томонидан икки давлат мадҳияси ижро этилди.
Учрашув давомида томонлар ҳарбий соҳада эришилган ютуқлар ва келгусида амалга оширилиши режалаштирилаётган масалалар борасида ҳам ҳамкорликни давом эттириш имкониятларини кўриб чиқди.
Генерал Майкл Курилла раҳбарлигидаги АҚШ ҳарбий делегацияси Ўзбекистонга сўнгги марта 2022 йилнинг июнида келганди. Икки давлат мудофаа вазирликлари ўртасидаги ҳамкорлик ҳолати ва истиқболлари, жумладан, ҳарбий ва ҳарбий-техник соҳаларда, Марказий Осиё минтақасида хавфсизликни таъминлашга қаратилган икки томонлама ҳамкорлик муносабатлари муҳокама қилинганди. Бундан ташқари, у Шавкат Мирзиёев қабулида ҳам бўлганди.
Изоҳ (0)