Киносаноатда нафақат ижро маҳорати, балки такрорланмас гўзалликка эга бўлган мафтункор Голливуд актрисаларнинг қизлари ҳам соҳибжамолликда ўзларидан қолишмайди.
Жулианна Мурнинг қизи Лив Фрейндлих
Актриса беш марта “Оскар” мукофотига номзод бўлган. 2015 йилда омад Жулианна Мурга кулиб боқди. У “Ҳамон ўша Элис” фильмидаги Альцгеймер касаллигига чалинган профессор роли учун орзу қилган ҳайкалчасини олди. Бу вақтга келиб актриса 50 дан ортиқ кинофильмларда рол ўйнаган ва бутун дунёга машҳур бўлган эди.
Мур ўзига муносиб ўринбосар тарбияламоқда. Актрисанинг иккинчи — ўзидан 10 ёш кичик режиссёр Барт Фрейндлих билан турмушидан қизи Лив дунёга келган. У актрисанинг иккинчи фарзанди ҳисобланади. Жулианна бу фарзандини 42 ёшида уйда дунёга келтирди. Кино юлдузи қизи билан жуда яқин. Уларнинг иккаласи ҳам баскетболни яхши кўради ва бир жамоани қўллаб-қувватлайди.
Ливнинг ёрқин қиёфаси ва юз ифодалари онаси Жулианна Мурни эслатади. 2009 йилда актрисанинг вориси кинода дебют қилди. У “Чақирилган энага” фильмида рол ўйнади. Лив онасининг изидан боришни хоҳламайди. Фрейндлих машҳур модел бўлишни орзу қилади. У 14 ёшида Америка кийим-кечак бренди J.Crew реклама кампаниясининг қаҳрамонига айланди.
Кейт Бланшетнинг қизи Эдит Вивиан Патрисия Аптон
Актриса олти марта “Оскар”га номзод бўлган. У икки марта олтин ҳайкалчани қўлга киритишга муваффақ бўлди. Кейт 2005 йилда “Авиатор” фильмида ва 2014 йилда Вуди Алленнинг “Жасмин” кинокартинасида бош ролларни ижро этганидан кейин мукофотга лойиқ кўрилди.
Кейт ва унинг драматург турмуш ўртоғи Эндрю Аптоннинг асраб олган Эдит исмли қизи бор. Қизалоқ 2015 йилда Англиядан олиб келинган, у Голливуд актрисасининг оиласида тўртинчи фарзанд бўлди. Бланшеттнинг қизи чинакам гўзал бўлиб улғайяпти — сарғиш сочлар, катта кўзлар ва дўмбоқ лаблар: унинг гўзаллиги кўплаб мухлисларни ҳайратда қолдирган. Актриса кўпинча қизалоғини ижтимоий тадбирларга олиб боради. 2018 йилда бўлиб ўтган Канн кинофестивалига актриса қизи билан ташриф буюрган.
Мерил Стрипнинг қизи Луиза Гаммер
Мерил фаолияти давомида 19 марта “Оскар” мукофотига номзод бўлган. У орзу қилган мукофотини уч марта: 1980 йилда суратга олинган “Крамер Крамерга қарши” фильмидаги роли, 1983 йилда намойиш этилган “Софининг танлови” кинокартинасидаги образи ва 2012 йилда мухлисларга намойиш қилинган “Темир хоним” фильмидаги Маргарет Тетчер роли учун олган.
Голливуд актрисасининг ҳайкалтарош турмуш ўртоғи Дон Гаммердан уч нафар қизи бор. Мерилнинг икки фарзанди Мами ва Грэйс унинг изидан борди, энг кичиги Луиза эса модел бўлишга қарор қилди. Қизалоқ кино, театр ва моделлик соҳасида муваффақиятли карьера қурмоқда. Луиза Dior реклама кампаниясида иштирок этган ва Glamour журналининг муқоваси учун суратга тушган.
У “Ист-Энд аҳолиси” фильмида рол ўйнаган ва Калифорниядаги The old globe театр компаниясида ишлайди. Гаммер онаси ва опа-сингиллари билан жуда яқин. Машҳур оила вакиллари кўпинча қизил гиламда бирга кўриниш беради.
Кетрин Зета Жонснинг қизи Керис Дуглас
Кетрин 2003 йилда нуфузли мукофотга сазовор бўлган. Актриса “Чикаго” мусиқий фильмига мослаштирилган фильмдаги иши учун “Оскар” мукофотини қўлга киритган.
Голливуднинг энг чиройли актрисаларидан бири Кетриннинг қизи бор. Керис — актрисанинг Майкл Дуглас билан турмушидаги энг кичик фарзанди. Қизалоқ ўрта мактабда ўқийди ва ўзини моделлик соҳасида синаб кўради. Жуфтликнинг қизи онаси билан мода бўйича суратга олиш ишларида иштирок этди. Машҳур оила вакиллари италян бренди Fendi учун суратга тушди. Керис модага қизиқиши машҳур ота-онаси туфайли пайдо бўлгани ҳақида сўзлаб берган.
“Мен учун онам услуб тимсоли. Шу туфайли мода ҳар доим ҳаётимдаги муҳим ўринни эгаллаб келган”, — деди Керис.
Ким Бейсингернинг қизи Айрленд Болдуин
Актриса Ким 1997 йилда “Оскар” мукофотига сазовор бўлган. Ким “Лос-Анжелес сирлари” фильмидаги роли учун нуфузли мукофотни қўлга киритган. Машҳур актрисанинг Алек Болдуин билан турмушидан Айрленд исмли қизи бор. Қизалоқ ота-онасининг изидан борди. Бейсингер ва Болдуиннинг қизи онаси билан “Интиқом жанги” фильмида рол ўйнаган. Машҳур оила вакилининг яна бир эътиборга молик иши “Кутилмаган меҳмон” фильми бўлди.
Болдуин кино юлдузи бўлишни орзу қилмайди, у моделлик карьерасини афзал кўради. У ёшлигида ташқи кўринишидан норози бўлган ва идеал параметрлар учун ўзини деярли анорексияга олиб келди. Айрленд орзусини рўёбга чиқаришга муваффақ бўлди. У моделлик агентлиги билан шартнома имзолади, шундан сўнг у Elle, Marie Claire ва L’Оffisiel’нинг муқовалари учун суратга тушди. Айрленд мўйна кийишга қарши норозилик намойишида иштирок этган.
Алек Болдуин тўнғич қизининг шахсий ҳаёти ҳар доим муҳокамалар марказида бўлиб келган. Айрленд бир йил давомида Слейтер Траут билан учрашди, модел бу муносабатлар унинг карьерасига халақит бермоқда, деб қарор қилди. У рэпер Энжел Хейс билан ҳам учрашган. Орадан бир йил ўтгач, севишганлар ажралишди ва шундан кейин Бейсингернинг қизи реабилитация клиникасида психологик ҳолатини тиклашга ҳаракат қилди.
Изоҳ (0)