Бу актрисалар экзотик кўриниши туфайли кўплаб лойиҳаларга таклиф қилинади. Шунинг учун бу Шарқ соҳибжамоллари вақтни беҳуда ўтказмай, Голливудни забт этишга киришди.
Фань Бинбин
“Ғаройиб одамлар” фильмидаги Блинкни эслайсизми? Унда актриса Фань Бинбин ўйнаган бўлиб, Marvel оламидаги ҳаётини ўзгартирувчи ролидан олдин у Хитой телесериалларида иккинчи даражали қаҳрамонларни ижро этган. Суперқаҳрамонлар ҳақидаги фильмда рол ўйнагач, Фань шу қадар машҳур бўлиб кетадики, Mattel актрисанинг қиёфаси тасвирланган чекланган ададдаги қўғирчоқлар чиқаришга қарор қилади. Буларнинг барчаси Барби урфга кирмасидан анча олдин содир бўлган.
Люси Лю
“Чарли фаришталари”, “Биллнинг қотили” — бу лойиҳаларнинг ҳеч бирини Люси Люсиз тасаввур қилиб бўлмайди. Аслида унинг карьераси коллеждан бошланган: 3-курсда Люси “Алиса мўжизалар мамлакатида” спектаклида иштирок этишга қарор қилади ва тўсатдан бош ролга тасдиқланади. Бундан руҳланиб кетган Лю ўзини актрисаликка бағишлашга қарор қилади ва Лос-Анжелесга кўчиб ўтади. Бу ерда у юзлаб кастингларда қатнашади, кун кўриш учун официантлик қилади. Тез орада у эътиборга тушади — ҳозирда Люси кино саноатининг асосий юлдузларидан бири.
Мишель Йео
Ҳозирда Мишель Йео — дунёга машҳур актриса. Ўсмирлик даврида у рақсга тушишни яхши кўргани учун Лондон Қироллик рақс академиясини тамомлаган. Аммо умуртқасидан олган жароҳати сабабли хореография билан шуғуллана олмайди.
Экранларда биринчи марта 1984 йилда пайдо бўлади. Мишель Жеки Чан билан бирга реклама ролигида суратга тушади. Кейинчалик шарқ жанг санъатлари ҳақидаги фильмларда рол ўйнайди. Ажабланарлиси шундаки, Йео ҳеч қачон жанг санъати билан шуғулланмаган — рақс машғулотлари туфайли трюкларни осон ўзлаштиради.
Мишелнинг шов-шувли лойиҳалари орасида Жеймс Бонд фильми “Ўлим вақти эмас”, “Матрица”, “Галактика қўриқчилари”, “Ҳаммаси ҳар жойда ва бир вақтнинг ўзида” фильмлари алоҳида ўрин эгаллайди. Сўнгги фильмдаги роли унга “Энг яхши актриса” номинациясида “Оскар” келтиради.
Чжан Цизи
Чжан Цизи мактабни битиргач, Хитойнинг нуфузли Марказий драма академиясига ўқишга киради. Аммо машҳур бўлиши учун Чжан уни тугатиши шарт эмасди. 19 ёшида у “Уйга йўл” фильмида дебют қилади, бир йил ўтгач эса муваффақиятини “Тақдир қиличи” фильмидаги роли билан мустаҳкамлайди.
Америка киносидаги биринчи ролини “Тиғиз вақт-2” фильмида ўйнайди. Айтганча, суратга олиш жараёнида Сизи инглиз тилини умуман билмаган, шунинг учун Жеки Чан суратга олиш майдончасида унга таржимонлик қилади.
Ҳозирда Чжан инглиз тилини жуда юқори даражада билади, у Канн кинофестивалининг ҳакамлар ҳайъати таркибида ҳам бўлади.
Кэти Льюнг
“Гарри Поттер” фильмидаги Чжоу Чанг роли учун (Гаррининг биринчи севгилиси) Кети 4 500 нафар даъвогар орасидан танлаб олинган.
Ҳозирда Льюнг кўпроқ театрда ўйнайди, лекин кинода ҳам кўриниб туради. Унинг иштирокидаги сўнгги фильм — бош ролни Жеки Чан билан ўйнаган “Чет эллик” фильми ҳисобланади.
Изоҳ (0)