Голливуд юлдузлари фақатгина актёрлик карьераси билан машҳур деб ўйласангиз адашасиз, улар бошқа истеъдодлари билан ҳам мухлис орттирган.
Стив Мартин
Комедиячи Стив Мартин — “Катта оила” ва “Пушти пантера” каби фильмлар юлдузи. Аммо шоу-бизнесда у болалигидан банжо чала оладиган истеъдодли мусиқачи сифатида ҳам танилган.
2009 йилда у ҳатто альбоми учун “Гремми” мукофотига сазовор бўлган. Бундан ташқари, Мартин пианино ҳам чала олади, лекин банжо чалишдек моҳирона эмас.
Нил Патрик Харрис
Нил Патрик Харрис кинодаги таниқли арбоб бўлиб, у ўз вақтида “Онангиз билан қандай танишганман” телесериалида бош роллардан бирини ўйнаган, фильмда у Барни Стинсон образини гавдалантирган. Нил Патрик Харрис профессионал кўзбоғловчи бўлиб, у 2006 йилда нуфузли Таnnеn‘s Magic Louise Award мукофотига лойиқ кўрилган. 2008 йилда World Magic Award шоусида бошловчилик қилган.
Колин Фаррелл
Ирландиялик актёр Колин Фаррелл фаолияти давомида ўнлаб фильмларда суратга тушган, турли форматдаги ролларни ижро этган ва комедиядан тортиб триллергача мутлақо ҳеч қандай жанрдан қўрқмаган. Унинг Америкага келишининг биринчи кунлари бир оз оғир кечади, лекин рақс уни пулсизликдан қутқаради. У кантри мусиқасини яхши билгани учун раққос сифатида дарс бера бошлайди. Актёрлик карьераси ривожлангунгача дарс беришда давом этган.
Пирс Броснан
Пирс Броснан 1994 йилда “Олтин кўз” фильмида Жеймс Бонд ролини қўлга киритади ва кейинги тўртта фильмда ҳам ўзи ўйнади. Шуни ҳам таъкидлаш жоизки, актёрлик унинг ягона истеъдоди эмас. Узоқ йиллар аввал у олов билан трюк кўрсатган (оловли таёқни оғзига солган) ва бир марта профессионал циркда ҳам иштирок этган.
Кристофер Уолкен
Кристофер Уолкен Америка киносининг афсоналаридан бири, чунки у бутун фаолияти давомида 100 дан ортиқ фильмларда суратга тушишга муваффақ бўлган. Аммо машҳур бўлишидан олдин у профессионал шер ўргатувчи бўлган. Унинг севимли жонивори Шаба исмли шер бўлиб, актёр уни катта кекса кўппак деб атаган.
Харрисон Форд
Харрисон Форд “Индиана Жонс” ва “Юлдузлар жанги” каби кино франшизаларида ўйнаган ва машҳур Голливуд актёрлари билан рақобатлашган. Актёрлик фаолиятидан ташқари, у лицензияга эга учувчи ва унинг арсеналида Санта Моника аэропортида жойлашган бир нечта самолёт бор. Тўғри, баъзида унинг амалиётида кичик ҳалокатлар содир бўлади. Улардан бирида актёр сон ва тўпиғини оғир жароҳатлаган.
Тейлор Лотнер
Тейлор Лотнер актёрлик фаолиятини 11 ёшида бошлаган, аммо у “Сумерки” франшизаси чиққандан кейингина муваффақиятга эришади, фильмда у асосий роллардан бири — Жейкоб ролини ўйнайди. У нафақат ўзининг актёрлик истеъдоди, балки спорт билан шуғулланганлиги туфайли ўзининг ажойиб қомати билан ҳам мухлисларини ҳайратда қолдиради. 6 ёшидан у каратэ билан профессионал тарзда шуғулланган ва нафақат кўплаб мукофотларга, балки қора камарга ҳам эга.
Изоҳ (0)