Шоу-бизнесдаги карьерасидан ташқари ўз бизнесларини қуришга муваффақ бўлган машҳурлар ҳақида маълумот берамиз.
Гвинет Пелтроу — инвестор ва соғлом турмуш тарзи маҳсулотлари асосчиси
2023 йилда Axios маълумотларига кўра, Гвинет Пелтроу ўзининг Kinship Ventures компаниясига 75 миллион доллар сармоя киритган. Бу технологик компаниялар учун турли маҳсулотлар ва Web3 стартапларига фойдали сармоялар топиш лойиҳаси ҳисобланади. Бу Goop бренди асосчиси сифатида танилган актрисанинг янги, лекин биринчи бизнеси эмас. У 15 йилдан ортиқ вақтдан бери соғломлаштириш саноатида етакчи ҳисобланади. Гвинет аёллар учун маҳсулотлар, жумладан, кийим-кечак, витаминлар ва косметика маҳсулотларини сотади.
Женнифер Лопес — парфюмер ва продюсер
Жей Ло бизнес лойиҳалари билан 2000 йилларнинг бошида Тони Медина билан биргаликда Нoyorisan Productions продюсерлик компаниясини ташкил этиш ва Жэннифер Лопес Collection кийим-кечак линиясини ишга тушириш билан шуғуллана бошлади, унинг асосий ғояси “ҳамёнбоп гламур” эди. 2010 йилдан бери бренд фақат Коhl’sда тақдим этилган, аммо 2020 йилда ковид пандемиясидан кейин ёпилган. Аммо Лопеснинг продюсерлик компанияси ҳамон муваффақиятли ишламоқда — бюджети 27 миллион доллар бўлган “Раққосалар” фильми жаҳон прокатида 157,6 миллион доллар даромад келтирди. Бундан ташқари, Женнифер декоратив косметика ва парфюмерия соҳасида ҳам таниқли тадбиркорлардан бири. 24 хил турдаги атирлари 2023 йилга келиб 2 миллиард доллар фойда келтирди, Inglot Cosmetics бренди эса илк ойлардаёқ 15 миллион доллар ишлаб топди.
Жессика Альба — экотаглик ишлаб чиқарувчи
Forbes Альбани Мадонна ва Опра Уинфрилар қаторида Американинг энг бой аёлларидан бири деб топган. Актриса атроф-муҳит муаммоларига бефарқ эмас. 2012 йилда у экологик тоза тагликлар ишлаб чиқаришни бошлади, Тhе Honest бренди эса болалар косметикаси, гигиена воситалари ва уй тозалаш учун кимёвий моддаларини ўз ичига олади. Онлайн дўкондан сотувлар Buy buy Baby, Costco, Whоlе Foods, Таrgеt ва Nordstorm чакана савдо тармоқларига кўчди. 2021 йилда Жессика Альбанинг косметика компанияси Hоnеst IPO асосида 1,45 миллиард долларга баҳоланади. Актриса инвесторларни фаол жалб қилади, ишлаб чиқаришни кенгайтириш устида ишлайди, музокаралар ва ишланмаларда ҳам ўзи қатнашади. Санта Моникадаги Тhе Honest офисида ходимларнинг болалари учун тарбиячилар бўлган болалар хонаси бор, Альбанинг ўзи ҳам икки қизи ва ўғлини шу ерга олиб келади.
Сандра Буллок — гул дўкони бўлган кафе эгаси
Опера хонандаси ва вокал ўқитувчисининг қизи бўлган Сандра Буллок болалигидан қатъиятли бўлиб ўсган. Орзу учун ишлаш қобилияти собиқ ҳуқуқшунос талабага нафақат кино карьерасида, балки бизнесда ҳам ёрдам берди – “Кўринмас томон” фильмидаги энг яхши актриса номинациясида “Оскар”га сазовор бўлган актриса Техасда иккита ресторан очган. Тўғри, улардан бири — Бесс деб номлангани 2015 йилда ёпилган. Иккинчиси, Wаlton’s Fаncy and Stapl новвойхона, кичик кафе ва гул дўконини ўз ичига олади. Актриса бизнесига дўстлари ва қариндошларини жалб қилган, масалан, синглиси Жезин касби адвокат бўлса-да, ресторан менюсининг кўп қисмини у тузиб берган.
Хью Жекман, эко-курорт эгаси
“Х-одамлар”даги Росомаха Австралиянинг эко услубидаги курортини сотиб олган Gwinganna Retreat меҳмонхонаси тоғда — океандан 15 дақиқа пиёда узоқликда жойлашган. Меҳмонларга юқори сифатли курорт хизматлари таклиф этилади ва курортнинг ўзи кичик Гавайи қишлоғига ўхшайди. Меҳмонхонада телевизор йўқ, Wi-Fi фақат бир нечта хоналардагина мавжуд. Меҳмонлар ёга билан шуғулланишлари, рақсга тушишлари, медитация қилишлари ва қуёнлар ва кенгурулар билан бирга 160 гектар ҳудудни сайр қилишлари мумкин.
Эштон Кутчер, инвестор
Актёр дунёдаги энг муваффақиятли инвесторлардан бири сифатида тан олинган. Эштон Skype, Мееrkаt, Genius, Airbnb ва Spotify каби йирик лойиҳаларга сармоя киритган. У муваффақиятини фойдадан кўра одамларнинг эҳтиёжларига эътибор қаратгани билан изоҳлайди:
“Мен кўп вақтимни одамлардан қандай қилиб пул ишлашни эмас, нимага муҳтожлигини тушунишга сарфлайман. Инвесторлар кўпинча даромад ҳақида ўйлашганда буни унутишади”.
2003 йилда Эштон Кутчер компанияси янги сунъий интеллект фонди учун 243 миллион доллар сармоя киритди.
Стинг, вино ишлаб чиқарувчи
Британиялик мусиқачи ва қўшиқчининг таъкидлашича, агар у оч бўлса, яхши куйлай олмайди. Стинг фақат органик маҳсулотларни истеъмол қилишга ҳаракат қилади, шунинг учун Гордон Метю Томас Самнер (машҳурнинг ҳақиқий исми) Тосканада ўзининг шароб, сариёғ ва асал ишлаб чиқариш бизнесини очган.
Леди Гага, дизайнер
Фаолиятини паб ва клублардаги чиқишлар билан бошлаган Леди Гага бугунги кунда нафақат шоу-бизнеснинг энг бой ва машҳур одамлари рўйхатига киритилган, балки муваффақиятли бизнесга ҳам эга. Аниқроғи, бир вақтнинг ўзида бир нечта машҳур лойиҳалар эгаси ҳисобланади. Леди Гага лойиҳаларига парфюм, ресторан, комикслар дўкони ва смартфон иловаларида мавжуд бўлган Little Monsters ижтимоий тармоғи киради. Шу билан бирга, у ўзининг арзон нархлардаги кийимлар тўпламини чиқарган, масалан, Леди Гага футболкаларини 30 долларга сотиб олиш мумкин.
Изоҳ (0)