Қуйида адёлга ўраниб олиб, иссиқ лимон чой ичиб, томоша қилинадиган бетакрор куз атмосферасини берувчи фильмларни тўпладик.
“Гарри Салли билан учрашганда”, 1989 йил
Бош ролларда: Мег Райан, Билли Кристал
Нью-Йоркни забт этишга қарор қилган қишлоқдан келган Гарри ва Салли бир-бирига умуман ўхшамаслигини англаб етади. Гарри фақат ўзини яхши кўрадиган худбин, Салли эса қизиққон ва ўзига ишонган аёл. Қаҳрамонлар бошқа йўллардан кетишади, лекин ҳаёт уларни яна бирлаштиради. Кўп йиллар ўтгач, бош қаҳрамонлар бошқа даражадаги муносабатларга имконият бера оладиган яқин дўстларга айланишади. Аммо Гарри ва Салли бу қадамни қўйишга журъат этадими?
“Заковатли Уилл Хантинг”, 1997 йил
Бош ролларда: Метт Деймон, Робин Уильямс, Бен Аффлек
Фильм сюжети вундеркинд Уилл Хантинг ва унинг психотерапевти Шон атрофига қурилган бўлиб, у васийлиги остидаги йигитнинг оғир дамларда омон қолишига ёрдам беради. Муштлашавериб ҳаммани безор қилган йигитга терапия курси белгиланади. Шундай қилиб, кучли дўстликка айланган “қайта тарбияланиш” бошланади, натижада ҳар бир қаҳрамон ўзининг янги томонларини кашф этади.
“Нью-Йоркдаги куз”, 2000 йил
Бош ролларда: Ричард Гир, Вайнона Райдер
Уилл Кейн доим аёллар эътиборида бўлишга ўрганиб қолган. У муваффақиятли, келишган ва бой, аммо барча муносабатлари ажралиш билан тугайди. Қувноқ Шарлотта билан учрашганда эса ҳаммаси ўзгаради. Аввалига Уилл уни тентакроқ деб ўйлаб, у билан бепарво муносабатда бўлади. Кўп ўтмай, қаҳрамон Шарлоттанинг оғир касал эканлигини билиб қолади — қизнинг бир йилгина умри қолган.
“Мона Лиза табассуми”, 2003 йил
Бош ролларда: Жулия Робертс, Кирстен Данст, Жулия Stayлз, Мегги Жилленхол, Жиннифер Гудвин
Фильм воқеалари 1950 йилларда содир бўлади. Кетрин Уоцон аёллар коллежида санъат тарихидан дарс бера бошлайди. Бироқ у дарҳол атрофидагиларнинг қаршилигига дуч келади, чунки талабалар ва ҳамкасблари патриархал қарашларга эга эди. Бош қаҳрамон босқичма-босқич талабаларининг дунёқарашини ўзгартиришга ҳаракат қилади, жамиятда аёлларнинг ўрни аҳамиятли эканини тушунтириб беради.
“Кўл бўйидаги уй”, 2006 йил
Бош ролларда: Киану Ривз, Сандра Буллок
Севги вақтдан ташқарида ҳам мавжуд бўлиши мумкинлигини исботловчи таъсирли фильм. Бош қаҳрамон Кейт севгилиси билан ажрашади ва кўл бўйидаги севимли уйини тарк этишга қарор қилади. У ўзидан кейинги одам учун хабар қолдиришга қарор қилади. Алекс хатни топади ва нима учун қизнинг сўзлари ҳақиқатга мос келмаслигини тушунмайди. Маълум бўлишича, қиз 2006 йилда, у эса 2004 йилда яшайди ва фақат сирли почта қутиси уларнинг хабарларини бир-бирига юбориши мумкин. Аммо қаҳрамонлар қачондир юзма-юз учрашармикан?
“Пенелопа”, 2006 йил
Бош ролларда: Жеймс Макавой, Кристина Риччи
Бу лойиҳа Риз Уизерспуннинг биринчи продюсерлик ишларидан бири бўлиб, фильмда у ҳам роллардан бирини ўйнаган. Фильмда бутун ҳаётини юзини яширган ҳолда ўтказган Пенелопа исмли қиз ҳақида ҳикоя қилинади. Чўчқаникига ўхшаган бурни туфайли у одамларга қўшилолмайди. Уни сева оладиган одамни учратгандагина қиз бу тавқи лаънатдан қутулиши мумкин. Пенелопа бундай одамни топишдан умидини узган, лекин ҳаёт унга кўплаб кутилмаган воқеаларни тайёрлаб қўйган.