Кхуши Капур — Болливуднинг афсонавий актрисаларидан бири Шридеви ва кино продюсери Бони Капурнинг қизи, Жаҳви Капурнинг синглиси. Хўш, у онаси каби машҳурликка эриша оладими?
Капурлар оиласининг энг ёш ўсиб бораётган юлдузининг ҳаёти эртакка ўхшайди: хорижий жойлар фонидаги селфилар, узоқ Американинг беғубор манзаралари, Болливуднинг турли тадбирларидаги замонавий чиқишлар, жозибали фотосессиялар ва унинг биринчи лойиҳаси — мусиқий “Арчи” фильми атрофидаги шов-шувлар, буларнинг барчаси актриса ҳаётининг бир қисми.
Машҳур фамилия унинг кам бюджетли фильмларда кўзга кўринмас ролларни ижро этишига йўл қўймасди, шунинг учун Кхушининг кинодаги фаолияти бошқалар сингари: Шоҳрух Хоннинг қизи Суҳана Хон ва Амитабҳ Баччаннинг набираси Агастя Нанда билан бирга катта шов-шув билан бошланади.
У, шунингдек, Амир Хоннинг ўғли Жунайд Хон билан 2022 йилда тамил тилида суратга олинган “Бугунги севги” номли фильмнинг ремейки устида ишламоқда. Актриса “Гарвал милтиқлари” номли жанговар фильмида Моҳна Танежа ролида суратга тушади.
Сўнгги пайтларда Болливуд кўплаб машҳур актёрларнинг қизларини қабул қилмоқда. Тез орада экранларда Равина Тандон, Пунам Дҳиллон, Шоҳрух Хон, Санжай Капурнинг қизларини, Ритик Рошан ва Салмон Хоннинг жиянларини кўриш мумкин.
Шунингдек, Кхуши Капур ота-оналари “энг юқори кинематик жамият”га олиб кирган машҳурларнинг фарзандлари қаторига киради. Шунга қарамай, тан олиш керакки, Шридеви ҳеч қачон қизларининг актриса бўлишини хоҳламаган.
Балки у шоу-бизнеснинг барча инжиқликларини ўз тажрибасида бошдан кечиргани, актёрлик касбининг тўсиқлари ва машаққатларини кўргани ва қизларининг ҳаёти камералар остида ўтишини истамагандир.
Кхуши 2000 йилнинг 5 ноябрь санасида туғилган. Ўша пайтда Шридеви 37 ёшда эди. Қизалоқ отасининг эркатойи бўлиб ўсган ва марҳум актриса кўплаб интервьюларида кенжа қизи каттасидан кўра мустақилроқ эканлигини таъкидлаган.
“Менимча, Жанви менга кўпроқ ўхшайди, у мутлақо итоаткор ва менинг ҳар бир сўзимни тинглайди. Кхуши болалигидан жуда мустақил бўлган. Унинг феъл-атвори кучлироқ ва ўзини намоён қилишга иштиёқи бор, бироқ у ўз чегарасини билади”, — деган эди Шридеви.
“Қизларим диққат марказида бўлишини истамаганим учун асабий ва хавотирда эдим. Бироқ бугунги кунда бу борада ҳеч нарса қила олмайсиз. Биз том маънода ҳамма жойда суратга тушамиз. Вақт ўтиши билан биз бу ҳолат билан яшашни ўргандик, улар эса бунга дош беришни ўрганди”, — деган эди марҳум актриса.
Шридеви тўсатдан бу дунёни тарк этганида, Кхуши эндигина 17 ёшга кирган эди. Ҳинд киносининг кўплаб мухлислари актрисанинг қизлари ҳақиқатан ҳам унинг ўлимига қайғурмаганига амин бўлган. Дафн маросимидан икки ҳафта ўтгач, Жанҳвининг туғилган куни табассум билан нишонланди.
Актрисанинг қизлари қандай оғриқни бошдан кечирганини ҳеч ким билмайди, бироқ улар онаси бу дунёни тарк этганидан кейин бўшашиб қолишгани ҳақиқат. Болалиги ва ёшлигида хунук ўрдакча ҳисобланган Кхуши жарроҳлар ва косметологлар ёрдамида гўзал қизга айланди.
Айтишларича, Кхуши машҳурлар оиласида туғилганидан бахтиёр эди, бироқ, у бунинг аксини исботлади. У Болливудда дебют қилиш учун Каран Жоҳардан фойдаланмади. Актриса яккахон лойиҳани танламади, бироқ у бошқа машҳурларнинг фарзандлари билан бирга бир фильмда суратга тушишга қарор қилди.
“Арчи” фильмининг тарғиботи пайтида Кхуши танқидларга учради, чунки лойиҳада унинг Суҳанага рақс борасида ютқазаётгани аниқ кўринган. Бироқ Кхуши танқидий гапларга умуман парво қилмайди.
Бошқа томондан, Кхушининг кино саноатдаги биринчи қадамлари муваффақиятсиз бўлса ҳам, у ҳали ҳам фильмларда суратга тушишда давом этмоқда, чунки унинг онаси, Болливуднинг афсонавий актрисаси Шридеви муваффақият йўлини узоқ вақт давомида босиб ўтган.
Изоҳ (0)