Ҳинд киносининг кўплаб мухлислари Катрина Каиф ва Шридеви Болливуддаги карераларининг бошида ҳинд тилини билмагани ҳақида маълумотга эга, шунинг учун уларга дубляжда бошқалар овоз берган. Бироқ ҳатто таниқли актрисалар ҳам фильмлардаги ролларини ўз овози билан ижро этмаган. Улар ўз роллари учун эътироф, шон-шуҳрат ва ҳатто нуфузли мукофотларга сазовор бўлди, образнинг ўзига хос овози эса қаҳрамонларга бошқа актрисалар томонидан берилган.
Актрисалар экранларга чиқди, бироқ ўзига хос овоз эгалари саҳна ортида қолди. Дикция, талаффуз, урғу ва оддий овоз оҳанги билан боғлиқ муаммолар тез-тез учрайдиган ҳолат ҳисобланади. Бундай ҳолларда режиссорларнинг дубляжга мурожаат қилишдан бошқа иложи қолмайди.
Шридеви Болливуддаги илк 10 йиллик фаолияти давомида фильмларда ўз овози билан гапирмаган. Унга кўпинча актриса Нааз Кумари овоз берган.
1986 йилда суратга олинган “Жиноят учун тўлов” фильмида Шридевининг қаҳрамонини Рекҳа дубляж қилди. Шридеви илк марта 1989 йилда суратга олинган “Чандни” фильмига ўзи овоз берган.
Катрина Каиф ҳам ҳинд тилидаги диалогларини гапира олишдан олдин узоқ йўлни босиб ўтди. Аввалига бир қатор гапни ҳам билишга қийналган актриса кейинчалик тилни яхши ўрганишга ва ўз қаҳрамонлари устида мустақил ишлашга қарор қилди. Йирик лойиҳалардаги карерасининг бошида унга дубляж актрисаси Мона Гҳош Шетти овоз берган.
“Отасининг изидан”, “Мен қандай қилиб севиб қолдим”, “Севгини олдиндан айтиш”, “Ҳамкор”, “Катта муаммо” – ушбу фильмларда Катрина Каифга Мона, кейинги лойиҳаларда, масалан, 2017 йилда тақдим этилган “Детектив Жагг” кинокартинасида ҳам актрисага Кет овоз берган. Томошабинлар актрисанинг оғзини қандай қимирлатганини ва ўз овози билан гапирмаганлигини кўриб жуда ҳайрон қолган.
Режиссёр Анураг Басу бу ҳолатга: “Шунчаки, Катрина қанчалик уринмасин, баъзи диалогларни тўғри тушуна олмади. Фильмда жуда тез сўз ўйини бор ва у буни уддалай олмади. Актрисани қийнамаслик ва яхши натижага эришиш учун мен бошқа овоздан фойдаланишга қарор қилдим”, — деб муносабат билдирган.
Мона Гҳош Шетти яна бир Болливуд актрисаси Бипаша Басунинг “Сир” ва “Истакнинг қоронғу томони” фильмлардаги қаҳрамонларига ҳам овоз берди. Бипаша ўзининг дебют фильми “Ҳикматли нотаниш”да ҳам ўз овози билан гапирмаган.
У фильмдаги роли учун “Энг яхши аёл дебюти” номинациясида нуфузли Фильмфаре мукофотини олди, бироқ унинг қаҳрамонига кинокартинада ким овоз бергани номаълум. Унинг исми ҳатто титрларда ҳам тилга олинмаган.
“Ом Шанти Ом” фильми Filmfare мукофотини қўлга киритган ва бир кечада юлдузга айланган Дипика Падуконега фильмда Мона Гҳош овоз берган.
Фараҳ Хон Дипикани қайта овоз бериш жараёнига қўйиш керак, деб қарор қилди, чунки у қаҳрамонига мос келмайдиган урғуга эга эди. Дипика машҳурлик ва эътирофга сазовор бўлди.
Мона Гҳош ҳаттоки Рании Мукержига ҳам овоз берган. Рании ўзининг бетакрор овозидаги хириллаши билан машҳур бўлган Болливуд актрисаларидан бири ҳисобланади.
Унинг актёрлик овози билан боғлиқ муаммолари йўқдек туюлади, бироқ бари бир 1998 йилда суратга олинган “Бўйсунмаган тақдир” фильмидаги образини дубляж қилиш керак эди. Викрам Бҳатт Рани актрисанинг овози унинг экрандаги қаҳрамонига умуман тўғри келмаслигини ҳис қилди ва унга бошқа актрисанинг овозини “берди”.
Раниининг амакиваччаси Кажол ҳам бир вақтлар Монага мурожаат қилишга мажбур бўлган. “Маняк” фильми устида ишлаётганда Кажол бор овози билан бақириши керак эди. Суратга олиш жараёнларининг эртаси куни эрталаб унинг овози бўғилиб қолди. Пужа Бҳатт актрисанинг овозини профессионал овоз билан алмаштирган маъқул деб ўйлади.
Наргис Фахри ҳам Катрина Каиф сингари ҳинд тилида сўзлашишда жиддий қийналган, шунинг учун унинг “Рок юлдузи” фильмидаги қаҳрамони ҳам ғалати овозда гапиради.
Жаклин Фернандес шри-ланкалик гўзал актриса бўлиб, у Болливудда катта муваффақиятларга эришди, бироқ яқинда ҳинд тилида мулоқот қилишни етарли даражада ўрганиб олди. Унинг деярли барча роллари бошқа актрисалар томонидан дубляж қилинган.
Прити Зинтанинг “Солдат” фильмидаги қаҳрамонига бошқа дубляж актрисаси овоз берган. “Эртага келади ёки йўқ” фильмида Мона Гҳош Шетти Притига мослашишга ҳаракат қилиб, баъзи жойларда унинг образига овоз берди. Бунинг сабаби, Прити баъзи жойларда ҳис-туйғуларни тўғри етказа олмади.
.jpg)
Изоҳ (0)