Туркиянинг Мендерес вилояти Измир шаҳри яқинида уч нафар Қирғизистон фуқароси бўлган вертолёт ҳалокатга учради. Бу ҳақда Қирғизистон Ташқи ишлар вазирлигига таяниб, Knews хабар берди.
Маълум қилинишича, ўрмон ёнғинини ўчиришда қатнашган вертолёт тўғонга қулаган.
“2023 йилнинг 16 сентябрь куни маҳаллий вақт билан соат 23Ж53 да Измир яқинида ўрмон ёнғинини бартараф этишда иштирок этаётган вертолёт Тахтали тўғонига қулаб тушди”, — дейилади хабарда.
Туркия Қишлоқ ва ўрмон хўжалиги вазирлиги маълумотларига кўра, вертолётда 4 киши бўлган, улардан 3 нафари Қирғизистон фуқаролари ҳисобланади. Ҳозирда экипаж аъзоларидан бири — Қирғизистон фуқароси шифохонада, қолган фуқаролар бўйича тегишли қидирув ишлари олиб борилмоқда.
Бош консуллик ходимлари фожиа ҳолатларига ойдинлик киритиш ва Қирғизистон фуқароларига зарур ёрдам кўрсатиш учун воқеа жойига борган.
“Қирғизистоннинг Туркиядаги элчихонаси ва Қирғизистоннинг Истанбулдаги Бош консуллиги Измирдаги тегишли хизматлар билан доимий алоқада бўлиб, бу масалани алоҳида назоратда ушлаб турибди”, — дейилади ТИВ хабарида.
Изоҳ (0)