Тошкентда 15 сентябрь куни соат 09:23 да электробус ва Nexia иштирокида ЙТҲ юз берди. Бу ҳақда “Тошшаҳартрансхизмат” матбуот хизмати хабар берди.
Воқеа Миробод тумани, Сайҳун кўчасида содир бўлган. Видеорегистраторда қайд этилган тасвирдан электробус яшил чироқда ҳаракатлангани, Nexia эса чорраҳада унинг йўлини кесиб чиқиб, урилганини кўриш мумкин.
“Тошшаҳартрансхизмат” хабарида айтлишича, мазкур йўл-транспорт ҳодисаси натижасида тан жароҳати олганлар йўқ, Шимолий вокзал—Сувсоз мавзеси йўналишида ҳаракатланувчи 13Т-сонли электробус ва енгил автомобиль техник шикастланган.
ЙТҲ Тошкент шаҳар ИИББ ЙҲХБ ходимлари томонидан ўрнатилган тартибда расмийлаштирилган.
8 сентябрь куни Тошкентнинг Бектемир туманида ичида йўловчилар бўлган электробус бетон устунга бориб урилганди. Оқибатда электробусдаги йўловчиларнинг беш нафари ҳамда ҳайдовчи тан жароҳати олган.
Изоҳ (0)