Тожикистон президенти Эмомали Раҳмон Марказий Осиё давлатлари раҳбарлари учрашувига Туркманистон Халқ Маслаҳати раиси Гурбангули Бердимуҳамедовни таклиф қилди. Тожикистонлик сиёсатчининг тегишли мактуби ТДҲ давлат ахборот агентлиги томонидан эълон қилинди.
Раҳмон ўз мурожаатида Ашхободда август бошида Туркманистон, Ўзбекистон ва Тожикистон президентларининг уч томонлама саммитига мезбонлик қилгани учун Гурбангули Бердимуҳамедовга миннатдорлик билдирган.
Шунингдек, Тожикистон президенти Халқ Маслаҳати раисини 14 сентябрь куни Душанбе шаҳрида бўлиб ўтадиган Марказий Осиё давлатлари раҳбарларининг бешинчи маслаҳат учрашувига таклиф қилган.
Эслатиб ўтамиз, Гурбангули Бердимуҳамедов бир ярим йилдан буён давлат раҳбари сифатида фаолият олиб бормайди, 2022 йил мартида унинг ўрнига ўғли Сердар Бердимуҳамедов президент этиб сайланган.
“Гурбангули Бердимуҳамедов де-факто энг муҳим сиёсий ва иқтисодий масалалар билан шуғулланишда давом этаётганига қарамай, бундай учрашувда иштирок этиши керак бўлган мамлакатнинг де-юре президенти унинг ўғлидир. Сердар ҳам таклиф олганми ёки йўқми номаълум, Туркманистон матбуоти фақат отасига таклифнома юборилганини эълон қилган”, — дейди “Хроника Туркменистана” нашри.
Изоҳ (0)