Агентлар фикрига кўра, Кай Ҳаверцнинг “Челси”дан “Арсенал” сафига ўтиши жорий йил ёзнинг энг ёмон трансфери.
The Athletic нашри 2023 йил ёзнинг энг ёмон трансферини аниқлаш мақсадида бир нечта катта музокараларда иштирок этган агентлар ўртасида сўровнома ўтказди.
Сўровнома натижаларидан сўнг германиялик футболчининг “канонирлар” сафига 60+5 миллион фунт эвазига ўтиши 6 очко билан биринчи ўринни эгаллади. 24 ёшли Кай янги жамоасида 5 та ўйин ўтказиб, ҳали бирорта голли вазиятларда иштирок этмади.
Иккинчи ўринни эса эквадорлик Мойсес Кайседонинг “Брайтон”дан “Челси”га рекорд нарх бўлган 115 миллион фунтга ўтиши эгаллади. Бу трансфер 5 та овоз тўплади.
Кучли учликни “Челси”дан 55+5 миллион фунтга ўтган Мэйсон Маунт якунлаб берди. Маунт 3 очко тўплади.
Яна 5 та харидга агентлар томонидан биттадан овоз берилди: Расмус Ҳейлунднинг “Аталанта”дан “Манчестер Юнайтед”га ўтиши, Коул Палмернинг “Манчестер Сити”ни “Челси”га алмаштириши, Калиду Кулибалининг “Челси”дан “Ал-Ҳилол”га трансфери, Ватару Эндонинг “Штутгарт” сафидан “Ливерпуль”га ўтиши ва Дивок Оригининг “Милан” сафидан “Ноттингем Форест”га трансфер қилиниши.
Изоҳ (0)