Kay Haverts, Meyson Maunt va Kaysedo. 2023-yil yozning eng yomon transferlari

Agentlar fikriga ko‘ra, Kay Havertsning “Chelsi”dan “Arsenal” safiga o‘tishi joriy yil yozning eng yomon transferi.

The Athletic nashri 2023-yil yozning eng yomon transferini aniqlash maqsadida bir nechta katta muzokaralarda ishtirok etgan agentlar o‘rtasida so‘rovnoma o‘tkazdi.

So‘rovnoma natijalaridan so‘ng germaniyalik futbolchining “kanonirlar” safiga 60+5 million funt evaziga o‘tishi 6 ochko bilan birinchi o‘rinni egalladi. 24 yoshli Kay yangi jamoasida 5 ta o‘yin o‘tkazib, hali birorta golli vaziyatlarda ishtirok etmadi. 

Ikkinchi o‘rinni esa ekvadorlik Moyses Kaysedoning “Brayton”dan “Chelsi”ga rekord narx bo‘lgan 115 million funtga o‘tishi egalladi. Bu transfer 5 ta ovoz to‘pladi.

Kuchli uchlikni “Chelsi”dan 55+5 million funtga o‘tgan Meyson Maunt yakunlab berdi. Maunt 3 ochko to‘pladi. 

Yana 5 ta xaridga agentlar tomonidan bittadan ovoz berildi: Rasmus Heylundning “Atalanta”dan “Manchester Yunayted”ga o‘tishi, Koul Palmerning “Manchester Siti”ni “Chelsi”ga almashtirishi, Kalidu Kulibalining “Chelsi”dan “Al-Hilol”ga transferi, Vataru Endoning “Shtutgart” safidan “Liverpul”ga o‘tishi va Divok Origining “Milan” safidan “Nottingem Forest”ga transfer qilinishi.