Тайван Мудофаа вазирлиги ўзининг кундалик ҳисоботида сўнгги 24 соат ичида Тайван бўғозида Хитой армиясининг 68 та жанговар самолёти ва 10 та ҳарбий кемасини аниқлаганини маълум қилди. Бу ҳақда “Коммерсант” хабар берди.
Мудофаа вазирлиги маълумотларига кўра, ушбу самолётларнинг 40 таси Тайван бўғозини “ўрта чизиқ” бўйлаб кесиб ўтган ва Тайван ҳаво мудофаасини аниқлаш зонасига кирган. Бунга жавобан Тайван вазиятни кузатиш учун ҳаво ва денгиз патрулларини юборган, шунингдек, ракета тизимларини жойлаштирган.
- 13 сентябрь куни Тайван мудофаа вазирлиги оролга яқинлашаётган 27 та самолёт ва 13 та кемани қайд этган.
- 19 август куни Хитой армияси ҳаво кучлари ва денгиз флоти Тайван яқинида ўқув машғулотлари ва патрул хизматини ўтказган. Хитой ҳарбийларининг айтишича, бу манёврлар Тайван мустақиллигини қўллаб-қувватлаётган ва “ташқи кучлар билан тил бириктириб, провокация қиладиган” “бўлгинчи кучлар учун жиддий огоҳлантириш” бўлиши керак.
Изоҳ (0)