“Ўзгидромет” тақдим этадиган об-ҳаво прогнозлари неча фоиз ишончли экани маълум қилинди.
АОКАда ўтказилган брифингда “Ўзгидромет” бошқарма бошлиғи Азимжон Нарзуллаев иқлим ўзгариши муаммолари, хорижий ва халқаро ташкилотлар билан ҳамкорлик фаолиятининг асосий кўрсаткичлари ҳақида маълумот берди. Соҳада амалга оширилаётган ўзгаришлар натижасида тақдим этилаётган маълумотларнинг оқланиш даражаси:
- қисқа муддатли об-ҳаво прогнозлари ишончлилиги — 93 фоизни;
- ўрта муддатли об-ҳаво прогнозлари ишончлилиги — 90 фоизни;
- хавфли метеорологик ҳодисалар юзага келиши юзасидан шошилинч ахборотлар ишончлилиги — 97 фоизни ташкил этмоқда.
Жорий йилда Бутунжаҳон метеорологик ташкилоти маълумотлар базасига кунлик об-ҳаво маълумотлари юбориладиган станциялар сони амалдаги 39 тадан 79 тага оширилди. “Ўзгидромет” томонидан соҳани модернизация қилиш, кузатувлар тармоғини ривожлантириш, ахборот-коммуникация технологияларини кенг жорий этиш, ходимлар салоҳиятини оширишга йўналтирилган умумий қиймати 19,5 миллион АҚШ доллари бўлган 6 та халқаро грант лойиҳа амалга оширилмоқда.
Изоҳ (0)