Андижон вилоятидаги Янги Андижон массивида 400 МВт га тенг фотоэлектростанцияни қуриш бошланди. Бу ҳақда Андижон вилояти ҳокими матбуот котиби маълум қилди.
Фотоэлектростанция Хитой Халқ Республикасининг Powerchina international group limited корхонаси, Ўзбекистон Энергетика вазирлиги ҳамда Андижон вилояти ҳокимлиги ўртасидаги уч томонлама англашув меморандуми асосида қурилмоқда.
“Бош вазиримиз ушбу масалада келиб, ишлар билан танишди. Хитойлик ҳамкорларимиз 700 гектар ҳудудга 400 мегаваттлик фотоэлектростанция қуради. Бу Андижоннинг электр энергияга бўлган талабининг учдан бир қисми деганидир”, — деди Шуҳрат Абдураҳмонов.
Андижон ҳокимининг айтишича, лойиҳани 2024 йилнинг 1 апрелигача 100 мегаватт қувватда, 2024 йил 30 ноябргача эса тўлиқ қувватда ишга тушириш режалаштирилган.
Мазкур фотолектростанцияни ишга тушириш орқали 700 миллион кВт/соат элетр энергияси ишлаб чиқарилади. Шу билан бирга, 212 миллион куб метр табиий газ тежашга эришилади ҳамда 294 минг тонна зарарли иссиқхона газларининг чиқиши олди олинади.
Изоҳ (0)