Россия президенти Владимир Путин 1956 йилда Венгрияга, 1968 йилда Чехословакияга қўшин киритган Совет Иттифоқи сиёсатини нотўғри деб атади. Бу ҳақда у Шарқий иқтисодий форум сессиясида Чехия ва Венгрия расмийларининг “СССР Прага ёки Будапештга танклар киритганида ўзини мустамлакачилардек тутгани” ҳақидаги баёнотларини келтирган модераторга жавобан айтди.
“Совет Иттифоқи сиёсатининг ушбу қисми хато бўлганини ва бу фақат муносабатлардаги кескинликка олиб келганини анча аввал тан олганмиз”, — деди Путин
Унинг таъкидлашича, “ташқи сиёсат соҳасида бошқа давлатлар манфаатларига сўзсиз зид бўлган ҳеч қандай иш қилмаслик керак”, аммо “Ғарбнинг етакчи давлатлари ва биринчи навбатда АҚШ” шундай йўл тутмоқда.
“АҚШ ўз иттифоқчиларига, ҳамкорларига босим ўтказмоқда. Унинг дўстлари йўқ, фақат манфаатлари бор. Бу машҳур Британия формуласининг давоми”, — деди Россия раҳбари.
Владимир Путиннинг сўзларига кўра, Россия ҳеч қачон мустамлакачи бўлмаган, Мамлакат ҳамкорлиги “доим тенглик асосида ёки ёрдам ва қўллаб-қувватлаш истаги билан қурилган”.
Изоҳ (0)