Тошкент вилояти божхона бошқармаси Контрабандага қарши курашиш бўлими ходимлари ҳамда ДХХ ходимлари билан ҳамкорликда тезкор тадбир ўтказилди.
Тадбир давомида олдиндан олинган тезкор маълумотларга асосан Тошкент туманидаги маҳаллалардан бирида тўйхона яқинидаги тўхтаб турган Lacetti русумли енгил автоулови кўздан кечирилган. Текширув давомида автотранспорт воситасининг юкхонасида чет элда ишлаб чиқарилган, тегишли ҳужжатлари бўлмаган қиймати салкам 96 миллион сўмлик дори воситалари борлиги аниқланган.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом этмоқда.
Шунингдек, “Ғишткўприк” чегара божхона пости яқинидаги “GMЛ Plaza” меҳмонхонасига қарашли автотураргоҳда Tracker-2 русумли бўлган автотранспорт воситаси холислар иштирокида кўздан кечирилган. Натижада мазкур автотранспорт воситасининг олд йўловчи ўриндиғи остидан жами 2 дона Таssаy ёзувли баклажкаларда ўзига хос ҳидли рангсиз номаълум суюқлик борлиги аниқланган.
Ўтказилган экспертиза натижаларига кўра, 2500 мл бўлган рангсиз суюқлик таркибида “Тропикамид” кучли таъсир қилувчи моддаси борлиги маълум бўлган.
Ҳолат юзасидан жиноят кодексининг тегишли моддалари билан жиноят иш қўзғатилган.
Психотроп моддалар савдоси
Бундан олдин Сирдарёда психотроп дорилар савдоси билан шуғулланган шахслар қўлга олингани, ДХХ Тожикистон ва Қирғизистондан олиб келинган гиёҳвандлик моддалар савдоси билан шуғулланувчи шахсларни ушлагани, Тошкент вилоятида ўтказилган назорат-рейд тадбирларида синтетик гиёҳванд воситаларини тайёрловчи лаборатория ташкил қилган шахслар қўлга олингани тўғрисида хабар берилганди.
Изоҳ (0)