Байрам кунлари Ўзбекистон ҳудуди бўйича ёғингарчилик кутилмайди, деб хабар бермоқда “Ўзгидромет”.
Қайд этилишича, сўнгги ҳафтада Ўзбекистонда минтақа учун август ойининг охирига хос бўлмаган об-ҳаво бўлди. 31 август куни, байрам кунлари арафасида, бутун республика бўйича ёмғир тўхтади ва осмон аста-секин булутлардан тозаланмоқда.
1—3 сентябрь кунлари Ўзбекистоннинг барча ҳудудлари бўйича ҳаво бир оз булутли бўлади, баъзи жойларда ўзгариб туради, ёғингарчилик кутилмайди. Кундузи 25-30 даража бўлган жуда қулай ҳарорат кузатилади. Эрталаб сезиларли даражада салқин, ҳарорат 14-17 даража атрофида бўлади.
Тошкентда 31 август ва 1—2 сентябрь кунлари ҳаво асосан кам булутли бўлади. 3 сентябрда булутли об-ҳаво бир оз кучаяди, ёғингарчилик кутилмайди. Шамол шарқдан 3-8 метр/секунд тезликда эсади. Ҳарорат кундузи 26-29 даража, кечаси 15-17 даража бўлади.
Изоҳ (0)