“Энди ҳар бир ўқувчининг қизиқишидан келиб чиққан ҳолда ўқиш давом эттирилади” — Таълимни ривожлантириш республика илмий-методик маркази директори

Таълимни ривожлантириш республика илмий-методик маркази директори Воҳид Ҳамидов бугунги селектор йиғилишида айтилган масалалар хусусида гапирди. 

Унга кўра, эди ҳар бир ўқувчининг қизиқишидан келиб чиққан ҳолда ўқиш давом эттирилади. Бунга қадар 1-синфдан 11-синфгача бўлган ўқувчилар бир хил таълим дастури асосида билим олган.

“Бугунги селектор йиғилишда таълим жараёнида муҳим бўлган масалалар кўтарилди. Хусусан, мактаб таълимида ўқувчилар 1-синфдан 11-синфгача ўқиш даврида бир хил ўқув режа асосида ўқийди. Бугунги бўлган йиғилишда эса ўқувчиларнинг қизиқишларидан келиб чиққан ҳолда ўқишлари бўйича алоҳида ўрганиш вазифалари берилди. 

Шу пайтгача 1-синфдан 11-синфгача бўлган ўқувчилар бир хил таълим дастури асосида билим олишарди. Уларнинг индивидуал қизиқишлари ва қобилиятлари инобатга олинмаган ҳолда дарс ўтиларди. Эндиликда эса ҳар бир ўқувчининг қизиқишидан келиб чиққан ҳолда ўқиш давом эттирилади. Бу эса ҳар ўқувчига алоҳида ёндошган ҳолда кадрлар тайёрлашга ёрдам беради”, — дейди Таълимни ривожлантириш республика илмий-методик маркази директори Воҳид Ҳамидов.