Футбол бўйича Франция чемпионатининг 3-турида “ПСЖ” 26 август, шанба куни “Ланс”га қарши баҳс олиб борди.
Биринчи бўлим сўнгида Марко Асенсио парижликларни ҳисобда олдинга олиб чиқди. Иккинчи бўлим ҳам “ПСЖ”нинг фаоллиги билан бошланди. 52-дақиқада Килиан Мбаппе ҳам ўз ҳисобига гол ёздириб қўйди. Ўйин сўнгида эса Мбаппе дублни расмийлаштирди. 90+5-дақиқада Гилавоги ҳисобни қисқартиришга эришди. Якунда Луис Энрике шогирдлари ишончли ғалабани расмийлаштирди.
Қайд этиб ўтиш жоиз, “Ланс” таркибида ҳаракат қиладиган ўзбекистонлик футболчи Абдуқодир Ҳусанов бугун майдонга туширилмади.
“ПСЖ” кетма-кет иккита дурангдан сўнг ниҳоят мавсумдаги илк ғалабасини қўлга киритди. Очколари сонини 5 тага етказган Париж клуби турнир жадвалида 4-ўринга кўтарилиб олди.
Лига 1
3-тур баҳси
26 август, шанба
“ПСЖ” – “Ланс” 3:1
Голлар: 1:0 – 45 Асенсио, 2:0 – 52 Мбаппе, 3:0 – 90+1 Мбаппе, 3:1 — 90+5 Гилавоги.
“ПСЖ”: Доннарумма, Ҳакими, Маркиньос, Шкриньяр, Эрнандес (Данилу Перейра, 83), Угарте, Витиня, Заир-Эмери (Солер, 86), Дембеле (Фабиан Руис, 80), Асенсио, Мбаппе.
“Ланс”: Самба, Гради, Данзо, Медина, Macҳадо, Франковски (Ле Кардинал, 46), Томассон (Ваи, 58), Фюлжени (Гилавоги, 74), Абдул-Самед (Спирингс, 46), Диуф (Давид Кошта, 83), Сотока.
Огоҳлантиришлар: Медина (19), Сотока (42), Спирингс (79), Macҳадо (82), Гради (87).
Изоҳ (0)