UFC Fight Night 225. Макс Ҳоллоуэй кореялик Зомбини учинчи раундда нокаутга учратди

Калангеда (Сингапур) UFC Fight Night 225 мусобақаси бўлиб ўтди.

Мусобақанинг асосий жанги ярим енгил вазн тоифаси вакиллари Макс Ҳоллоуэй ва кореялик Зомби номи билан танилган Чан Сон Юнг ўртасида кечди. Ҳоллоуэй учинчи раундда рақибини нокаутга учратди. 

Жангдан сўнг Макс рақибини қучоқлади ва унинг қўлини кўтариб қўйди. Сал ўтиб, кореялик Зомби фаолиятини якунлаганини эълон қилди. 

Шунингдек, UFC Fight Night 225 турнирида қуйидаги жанглар бўлиб ўтди: 

Макс Ҳоллоуэй (24-7) учинчи раундда кореялик Зомбини (17-7) нокаутга учратди;

Энтони Смит (36-18) ҳакамлар қарорига кўра Райан Спенн (21-8) устидан ғалаба қозонди;

Гига Чикадзе (14-3) очколар эвазига Алекс Касересни (21-13) мағлуб этди;

Риня Накамура (7-0) ҳакамлар қарорига кўра Ферни Гарсия (10-3) устидан зафар қучди;

Эрин Бленчфилд (11-1) очколар эвазига Таила Сантосни (19-2) ютди;

Жуниор Тафа (4-1) биринчи раундда Паркер Портерни (14-8) нокаут қилди.