АПЛ. “Манчестер Сити” сафарда қийин ғалабага эришди

Футбол бўйича Англия Премьер Лигасининг 3-турида “Манчестер Сити” 27 август, якшанба куни “Шеффилд” меҳмони бўлди.

Биринчи бўлим “шаҳарликлар”нинг устунлигида ўтган бўлса-да, ҳисоб очилмади. 37-дақиқада Эрлинг Ҳоланд пенальтидан унумли фойдалана олмади. 

Иккинчи бўлимда эса Ҳоланд хатосини тўғрилаб, 63-дақиқада гол урди. 85-дақиқада Жайден Богл мувозанатни тиклади. Орадан 3 дақиқа ўтиб, Родри яна бир бор манчестерликларни ҳисобда олдинга олиб чиқди ва ушбу гол жамоага ғалаба келтирди. 

Шу тариқа Пеп Гвардиола шогирдлари турнирдаги уч ўйинда учта ғалабани расмийлаштириб, пешқадамликни давом эттирмоқда. 

АПЛ

3-тур

27 август, якшанба

“Шеффилд” — “Манчестер Сити” 1:2

Голлар: 0:1 – 63 Ҳоланд, 1:1 – 85 Богл, 1:2 – 88 Родри.

“Шеффилд Юнайтед”: Фодерингем, Болдок (Богл, 71), Робинсон, Иган, Аҳмедҳожич, Осборн (Ларуси, 17), Норвуд (Башем, 80), Ҳамер, Винисиус, Траоре, Осула (Макберни, 71).

“Манчестер Сити”: Эдерсон, Уокер, Аке, Рубен Диаш, Гвардиол, Ковачич (Фоден, 86), Грилиш, Бернарду Сильва, Родри, Ҳоланд, Альварес.

Огоҳлантиришлар: Болдок (45), Осула (59), Винисиус (77), Иган (83).