MLS. Лионель Месси чемпионатда дебют қилган ўйинда “Интер Майами” ишончли ҳисобда ғалаба қозонди (видео)

Футбол бўйича MLS чемпионатида “Интер Майами” 27 август тонгида “Нью-Йорк Ред Буллс” жамоасига қарши баҳс олиб борди.

Учрашувнинг 37-дақиқасида Диего Гомес “Интер Майами”ни ҳисобда олдинга олиб чиқди. 60-дақиқада эса Лионель Месси Кампанянинг ўрнига майдонга тушди ва MLSдаги дебютини ўтказди. 89-дақиқада аргентиналик ҳужумчи ўз ҳисобига гол ёздириб қўйди. 

Шу тариқа “Интер Майами” сафарда ишончли ғалабани қўлга киритди ва очколари сонини 21 тага етказди. 

MLS

28-тур 

27 август, якшанба

“Нью-Йорк Ред Буллс” — “Интер Майами” 0:2

Голлар: 0:1 – 37 Гомес, 0:2 – 89 Месси.

“Нью-Йорк Red Bullс”: Карлос, Рейес, Нилис, Толкин, Фернандес (Кабесас, 76), Лукиняс, Ервуд (Строуд, 46), Амайя (Берк, 66), Эделман, Harper (Кармона, 84), Элиас Маноэл (Барлоу, 46).

“Интер Майами”: Келлендер, Миллер, Аллен, Альба, Гомес (Робинсон, 84), Фариас (Кремаски, 72), Арройо, Руис (Бускетс, 60), Тейлор (Едлин, 60), Авилес Манкилла, Кампана (Месси, 60).

Огоҳлантиришлар: Harper (11), Авилес Манкилла (20), Карлос (87).