Тошкентдаги мактабга “Барби” фильмидаги Кен ролини ижро этган актёр номи берилгани ҳақида хабарлар тарқалди. Пойтахт Мактабгача ва мактаб таълими бошқармаси тармоқларда тарқалган хабар юзасидан маълумот берди.
Унга кўра, бугун ижтимоий тармоқ саҳифаларида Тошкент шаҳридаги 61-сонли умумтаълим мактабига киноактёр Райан Гослинг номи берилгани ҳақида хабарлар тарқалган. Ҳозирги кунда пойтахтнинг ўн икки туманида 323 та умумтаълим мактаби фаолият кўрсатиб келмоқда. Уларнинг бирортасига алоҳида ном берилмагани таъкидланган.
“Ижтимоий тармоқларда Яшнобод туманидаги 61-сонли умумтаълим мактабига киноактёр Райан Гослинг номи берилгани ҳақидаги хабарлар ёлғон эканлигини билдирамиз”, — дейилади бошқарма ахборотида.
Изоҳ (0)