Россиянинг Тверь вилоятида самолёт қулаши оқибатида “Вагнер” раҳбари Евгений Пригожин ҳалок бўлгани айтилмоқда. Бир қатор рус Telegram каналлари бу бўйича маълумот берди. Мазкур маълумот ҳали расман тасдиқланмаган.
23 август куни Тверь вилоятида “Вагнер” раҳбари Евгений Пригожинга тегишли самолёт қулаб тушди. RA-02795 давлат рақами бўлган Embraer Legacy 600 бизнес-жети Москвадан Санкт-Петербургга учаётган бўлган. Россия фавқулодда вазиятлар вазирлиги авиаҳалокатда 10 киши ҳалок бўлганини маълум қилди.
Бортда 10 киши, жумладан 3 нафар экипаж аъзоси бўлган. “Вагнер” кампаниясига алоқадор Пкун Zone канали Embraer бизнес-жети ҳаво ҳужумидан мудофаа тизими томонидан уриб туширилганини даъво қилмоқда. Самолёт йўловчилари орасида Пригожин ҳам бўлгани айтилмоқда.
Россия оммавий ахборот воситаларига кўра, самолёт қулаган жойда саккиз кишининг жасади топилган. “Росавиация”нинг махсус тузилган комиссияси самолётнинг қулаш ҳолати ва сабабларини ўрганишга киришди.
Мутахассислар “қора қутилар”даги ёзувларни топиб, ўрганиб чиқиши керак бўлади. Самолёт қулаган жойда 8 кишининг жасади топилган.
Изоҳ (0)