Қозоғистоннинг Туркистон вилоятида бирданига 11 киши Сирдарё дарёсида чўкиб кетгани хабар қилинганди. Қутқарув ишларига 150 киши жалб қилингани маълум бўлди. Бу ҳақда Қозоғистон Фавқулодда вазиятлар вазирлиги хабар берди.
Сирдарёда чўкиб кетган 11 кишидан 9 нафарининг жасади топилган. Қутқарувчилар яна икки нафар вояга етмаган болани қидирмоқда.
Туркистон вилояти Фавқулодда вазиятлар бошқармаси ходимлари уч нафар аёл ва олти нафар вояга етмаган боланинг жасадини топган. Икки нафар болани қидириш ишлари давом этмоқда.
Қидирув ишларига 150 киши, 18 та техника, иккита дрон ва олтита сузиш мосламалари жалб қилинган.
Фавқулодда вазиятлар вазирлиги қозоғистонликларни фақат махсус ажратилган жойларда сузиш кераклиги ҳақида огоҳлантирмоқда.
Изоҳ (0)