Қозоғистон шарқидаги Олтой шаҳрида Лениннинг ҳайкали реставрация пайти қулаб тушди. Бу ҳақда хабар Nur.kz хабар берди.
Ижтимоий тармоқларда ҳайкал қулагани акс этган кадрлар пайдо бўлган. Ҳайкал ўрнатилган майдонда 15 август куни ободонлаштириш ишлари бошланган. Ленин ҳайкали пойдеворининг гранит плиталарини реконструкция қилиш режалаштирилган.
Пудратчининг сўзларига кўра, иш вақтида “ёдгорликнинг ўзи” қулаб тушган. Олтой вилояти ҳокимлигида воқеага қуйидагича изоҳ берилган:
“Ижтимоий тармоқларда таъмирлаш вақтида ҳайкалнинг силжишига йўл қўйилгани, оқибатда у қулагани акс этган видео тарқалмоқда. Ҳуқуқ-тартибот идоралари воқеа сабабларини ўрганмоқда”, — дейилади хабарда.
Хабар қилинишича, ҳайкалнинг қўли синган, зарар унчалик катта эмас. Пудратчи, ўз навбатида, ҳайкални таъмирлаб, уни ўз жойига қайтаришини айтган.
“Ушбу факт бўйича Қозоғистон Жиноят кодексининг 203-моддаси 1-қисми (алоҳида аҳамиятга эга бўлган нарсаларни қасддан йўқ қилиш, олиб ташлаш ёки бузиш) билан тергов ҳаракатлари олиб борилмоқда”, — дейилади Қозоғистон ИИБ матбуот хизмати хабарида.
Изоҳ (0)