Вазирлар Маҳкамасининг “Йўл ҳаракати хавфсизлигини таъминлаш соҳасига замонавий ахборот технологияларини кенг жорий этиш бўйича қўшимча чора-тадбирлар тўғрисида”ги қарорига йўл ҳаракати қатнашчиларига қўшимча қулайликлар яратиш ва йўл ҳаракатини автоматлаштирилган тартибга солиш тизимини такомиллаштиришга қаратилган ўзгартиришлар киритиш ҳақида қарор қабул қилинди.
Эндиликда суғурта полисининг муддати ўтган, белгиланган муддатда техник кўрикдан ўтмаган транспорт воситаларига “яшил” йўлакдан ҳаракатланишга рухсат берилади. Муқаддам бундай транспорт воситалари “қизил” йўлакдан ҳаракатланишган.
Маълумот учун, бундан олдин ЙПХ стационар постларида транспорт воситаларининг тўсиқсиз ҳаракатланишини таъминлаш бўйича “яшил” ва “қизил” йўлак тизими босқичма-босқич жорий этила бошланган эди.
Ҳужжат қонун ҳужжатлари маълумотлари миллий базасида эълон қилинган ва 2023 йил 15 августдан кучга кирган.
Эслатиб ўтамиз, 2022 йил 7 июлдан бошлаб Тошкент вилояти ҳудудида жойлашган “Чинор” йўл-патрул хизматининг стасионар постида ушбу янгича тизимни синовдан ўтказиш бошланганди. У ерда “яшил” ва “қизил” йўлак тамойили асосида автотранспорт воситаларининг ҳаракатланиши тартибга солинмоқда.
Изоҳ (0)