“Барби” кинокартинасида бош ролни ижро этган актриса Марго Роббининг лойиҳадаги гонорари маълум бўлди. Фильм жаҳон прокатида 1 миллиарддан ортиқ маблағ тўплади, деб хабар бермоқда “News.ru” нашри.
.jpg)
Маълум бўлишича, актриса ўз роли учун 50 миллион доллар гонорар олган. Шунингдек, режиссёр ва сценарий муаллифи Грета Гервиг ҳам бутун дунё бўйлаб “Барби”нинг ажойиб муваффақияти туфайли қўшимча бонуслар олиши мумкин. Робби лойиҳада бош ролни ўйнаш билан бирга, ўзининг Lucky Chap Entertainment компанияси орқали унинг продюсерлик ишида ҳам иштирок этган.
“Барби” кинокартинаси ҳозиргача 1,18 миллиард доллар ишлаб топди. Пластмасса қўғирчоқ ҳақидаги фильм Warner Bros тарихидаги энг юқори даромад келтирган фильм бўлиши мумкин, лойиҳа ҳозирда фақатгина “Гарри Поттер: Ажал туҳфаси”дан ортда турибди.
Яқинда маълум бўлишича, июль ойининг иккинчи ярмида бутун дунё бўйлаб прокатга чиққан “Барби” фильмининг продюсерлари унинг иккинчи қисми устида иш бошлаган. Маълумотларга кўра, бундай қарорга фильмнинг рекорд даражада кўп маблағ топгани сабаб бўлган.
Барби фильми ҳақида қисқача
Умумий 1,031 миллиард доллар миқдоридаги даромаддан 459,4 миллион доллари Шимолий Америкадан, 572,1 миллион доллари эса халқаро ҳудудлардан тўпланган.
“Барби” лойиҳаси миллиард долларлик маррага эришиши учун 17 кун керак бўлди. Режиссёр Грета Гервиг фильми жаҳон прокатида 1 миллиард доллар ишлаб топган илк аёл режиссёрга айланди. 2019 йилда Анна Боден ва Райан Флекнинг “Capitan Marvel” фильми 1,1 миллиард доллар даромад келтирган эди.
“Барби” сюжети экзистенциал инқирозни енгиб ўтган машҳур Барби қўғирчоғи ҳақида ҳикоя қилади. У Кен билан бирга ҳақиқий дунёга боради, бу ердаги ҳеч бир нарса идеал бўлмайди.
Шунингдек, фильмда
- Америка Феррера,
- Майкл Сера,
- Уилл Феррелл,
- Кейт Маккиннон,
- Симу Лю,
- Шути Гатва,
- Эмма Макки ва бошқа актёрлар рол ўйнаган.
Гервиг фильм сценарийсини Ноа Баумбах (“Никоҳ тарихи” фильми сценарийси муаллифи) билан бирга ёзган.
“Барби”нинг бюджети 145 миллион долларни ташкил этди. Ҳозирча лойиҳанинг давомини суратга олиш режалаштирилмаган.
Маълумот учун, “Барби” фильмига рақобатчи бўлган лойиҳа — “Оппенгеймер” дунё бўйлаб 500 миллион доллар тўплашга муваффақ бўлди.
Изоҳ (0)