2021 йилда Бен Аффлек ва Женнифер Лопес кўп йиллик келишмовчиликдан кейин муносабатларини тиклади. Ўша пайтда севишганлар никоҳдан ўтишга улгурмаган бўлса-да, 2022 йилда улар иттифоқларини расмийлаштирди. Бугун эса Бен ва Женнифер ҳар қачонгидан ҳам бахтлироқ.
Яқинда қўшиқчи ўзининг 54 ёшини нишонлади. Бу байрамни унинг эри уюштирган. Яқин дўстлари ва оила аъзолари, жумладан Беннинг Женнифер Гарнер билан турмушидан бўлган фарзандлари, шунингдек, Лопеснинг Марк Энтони билан никоҳидан бўлган ўғли ва қизи ҳам ўша ерда эди.
Тадбир қаҳрамони туғилган кун ҳақидаги таассуротлари билан ўртоқлашди:
“Туғилган кунимда барча болаларимиз иштирок этди. Бу қуёш нур сочаётган ажойиб кун эди, шу билан бирга, бассейнда чўмилиб, маза қиладиган ажойиб кеча бўлди”.
Лопес ҳатто меҳмонларнинг олқиши остида стол устида рақсга тушди.
Хонанда айни дамда оиласи билан бирга эканидан бахтиёрлигини таъкидлайди:
“Мен қадрли ва муҳим инсон эканлигимни ҳис қиляпман. Туғилган кунимни баҳам кўришим мумкин бўлган шундай ажойиб ва ғамхўр инсонлар билан мулоқотга киришганим учун тақдирдан жуда миннатдорман”.
Женнифер ва Бен бир кун келиб фарзанд кўришлари ҳам мумкин. Дарҳақиқат, 2012 йилда ўша пайтда Аффлекнинг рафиқаси Женнифер Гарнер: “Ҳа, Бен яна фарзандли бўлишни истайди. Бироқ мен бунга тайёр эмасман” деганди. Бундан ташқари, ўша пайтда эр-хотиннинг 3 нафар фарзанди бор эди.
Женнифер Лопес ҳам Алекс Родригес (2017—2021) билан турмуш қурганида кўп фарзанд кўришни хоҳлаётгани ҳақида гапирганди: “Ҳа, хоҳлайман! Оиламни кенгайтирмоқчиман. Мен бунга қарши эмасман”. Ўша пайтда унинг ўғли ва қизи бор эди.
Женнифер Бен ажойиб ота эканлигини айтади:
“Мен Бенни бир йилдан ортиқ вақтдан бери кузатаман. Ҳеч қачон у каби меҳрибон ва фидойи отани кўрмаганман”. Хонанда нафақат ўзининг фарзандлари, балки унинг фарзандлари учун ҳам яхши ота эканлигини таъкидлайди: “Сен уларни доим биринчи ўринга қўясан. Бундай муносабат мен ҳаётимда кўрган энг ёқимлиларидан бири. Биз сени қадрлаймиз ва жуда яхши кўрамиз”.
Бугунги кунда эр-хотиннинг барча 5 фарзанди Женнифер ва Бен билан яшайди. Хонанда ўғли ва қизи ўгай ака-ука ва синглиси билан яхши муносабатда бўлишини таъкидлайди.
Бундан хулоса қилиш мумкинки, 54 ёшли Жей Ло ва унинг жонкуяр эри Бен биргаликда фарзанд кўришлари мумкин.
Жей Ло бутун дунёга Бен Аффлекка бўлган ҳис-туйғуларини кўрсатишдан тортинмайди. У яқинда терисини қандай парвариш қилиши кўрсатилган видеони жойлади. Мухлислари унинг бўйнидаги тилла занжирга Бен ёзуви туширилганини пайқашган.
Изоҳ (0)