Жанубий Корея КХДР таҳдиди туфайли Япония ва АҚШ билан ядро ҳамда ракета маълумотларини яқиндан алмашишга ҳаракат қилиши керак. Жанубий Корея президенти Юн Сок Ёл шундай чақириқ билан чиқди, деб ёзмоқда Nikkei Asia.
Юн Сок Ёл Жанубий Корея, Япония ва АҚШ умумий қадриятларга эга эканини таъкидлаб, ушбу мамлакатлар ядровий қуролга эгалик қилувчи Шимолий Кореянинг таҳдидига қарши курашиш учун биргаликда иш олиб бориши зарурлигини қўшимча қилди.
Шунингдек, у Сеулнинг сезиларли даражада ривожланиши ва фаровонликка эришишида Вашингтон билан яқинликнинг ролини ҳам қайд этди.
Хабарга кўра, мудофаа соҳасидаги ҳамкорликни кучайтириш муҳокамаси шу ҳафта ўтказиладиган уч томонлама саммит кун тартибига киритилиши мумкин. Ядро ва ракета қуроллари алмашинувининг амалга оширилиши Япония ва Жанубий Корея ўртасидаги ҳарбий ҳамкорликнинг сезиларли даражада кучайишини кўрсатади, дейилади мақолада.
Аввалроқ Жанубий Корея мудофаа вазири қурол-яроғ бўйича ҳамкорликни ошириш учун Ўзбекистонга келгани хабар қилинганди.
Изоҳ (0)