Хоразм вилоятида жойлашган боғчаларнинг бирида ота-оналардан сув таъминоти учун пул йиғилгани айтилган видео тарқалди. Вилоят мактабгача ва мактаб таълими бошқармаси ижтимоий тармоқларда тарқалган хабарларга муносабат билдирди.
Унга кўра, 28 июль куни ижтимоий тармоқларда Хоразм вилоятидаги мактабгача таълим муассасаларидан бирида сув таъминоти учун болаларнинг ота-оналаридан 25 минг сўмдан пул талаб қилинаётгани айтилган видеолавҳа тарқалган. Мазкур видеолавҳада тарбияланувчининг онаси ва мактабгача таълим ташкилоти ходими ўртасидаги ўзаро суҳбат акс этган.
Қайд этилишича, видеода мактабгача таълим ташкилоти манзили мавҳум бўлгани боис ҳолатни ўрганиш ва таҳлил қилиш имкони бўлмади. Мазкур видеолавҳани ижтимоий тармоққа жойлаган блогер билан суҳбатлашилганда мазкур видео унга шахси номаълум бўлган аккаунтдан келиб тушганини ва ўзи ҳам аниқ маълумотга эга эмаслигини билдирди.
Изоҳ (1)
Konditsaner, o'tin va kiyim uchun ham pul yig'ilyapdiku