Жанубий Корея мудофаа вазири ҳарбий техника экспорти, мудофаа ва ҳарбий-саноат соҳаларида кенг ҳамкорлик қилиш учун Ўзбекистонга илк ташрифини амалга оширди. Бу ҳақда Тҳе Кореан Herald хабар берди.
“Мудофаа вазири Ли Жонг Соп 31 июлдан 3 августгача ъМарказий Осиёдаги алоҳида стратегик ҳамкор ва асосий дўст мамлакатъ бўлган Ўзбекистонга ташриф буюриши режалаштирилган”, — дейилади Жанубий Корея Мудофаа вазирлиги хабарида.
Лининг Ўзбекистонга келиши унинг мамлакатга ташриф буюрган биринчи Жанубий Корея мудофаа вазири бўлиши билан аҳамиятлидир.
“Ташриф давомида вазир икки давлат ўртасида мудофаа ва қурол-яроғ саноати соҳасидаги ҳамкорликни кенгайтиришга йўл очади.
Жанубий Корея—Ўзбекистон мудофаа саноатини ривожлантириш конференцияси ҳам бўлиб ўтади ва бу Ўзбекистон билан мудофаа соҳасида стратегик ҳамкорлик чора-тадбирларини муҳокама қилиш учун платформа яратади”, — дейилади хабарда.
Ли Ўзбекистон Миллий хавфсизлик кенгаши котиби Виктор Маҳмудов ва мудофаа вазири Баҳодир Қурбонов билан учрашув ўтказиши режалаштирилган.
Мудофаа вазирлари даражасидаги икки томонлама учрашув 2015 йил апрель ойида Ўзбекистон мудофаа вазири Қобул Бердиев Сеулга ташриф буюриб, Жанубий Кореяда ишлаб чиқарилган ФА-50 енгил жанговар самолёт симуляторини синовдан ўтказганидан бери биринчиси бўлади.
Жанубий Корея ва Ўзбекистон мудофаа ва ҳарбий-саноат соҳасидаги ҳамкорликни ривожлантириш борасидаги саъй-ҳаракатларини давом эттирмоқда. Мудофаа саноати соҳасида ҳамкорлик бўйича қўшма қўмита йиғилишлари ва мудофаа сиёсати бўйича семинарлар ўтказган.
“Аммо Жанубий Корея ҳали Ўзбекистонга ўзининг асосий қурол-яроғларни сезиларли даражада экспорт қилгани йўқ ва ҳозирча фақат кичик ҳарбий техника жўнатган”, — дейилади хабарда.
Икки давлат ўртасида ишлаб чиқарилган қуролларни экспорт қилиш бўйича икки томонлама муҳокамаларга қарамай, бу музокаралар ҳеч қандай аниқ натижаларга олиб келмаган.
“Ушбу вазиятдан келиб чиққан ҳолда, Лининг сафари Ўзбекистонда потенциал қурол савдосига замин яратиш ва янги бозорга киришни мақсад қилиб қўяди”, — дейди аноним манба.
Таъкидланишича, Жанубий Корея ФА-50 енгил жанговар самолётларини, шунингдек, бошқа маҳаллий қуролларни, жумладан, К9 ўзиюрар гаубицасини экспорт қилиш имкониятларини ўрганмоқда.
Изоҳ (0)