Нигерни қамраб олган ҳарбий тўнтариш вақтида мамлакатдаги Франция элчихонаси ҳужумга учради. Париж дипломатик тузилмага қарши уюштирилган зўравонликни қоралади ва жавоб чораси билан таҳдид қилди. Бу ҳақда Reuters хабар бермоқда.
“Президент Франция ва унинг манфаатларига қаратилган ҳар қандай ҳужумга тоқат қилмайди”, — дейилади Франция президенти Эммануэл Макроннинг баёнотида.
Уларнинг аниқлик киритишича, гап француз дипломатлари, ҳарбий хизматчилари ёки бизнес вакилларига қилинган ҳужумлар ҳақида кетмоқда.
Бундан ташқари, Макрон ҳарбийлар томонидан ағдарилган Нигер президенти Муҳаммад Базум билан телефон орқали мулоқот қилган. Франция раҳбари давлат тўнтаришини қоралаб, мамлакатда тинчликка чақирган.
Франция Ташқи ишлар вазирлиги ҳам Нигердаги воқеаларга муносабат билдирди. Идора мамлакатдаги тўнтаришни қоралади ва расмийларни халқаро ҳуқуқ талабига мувофиқ Франция миссиясини ҳимоя қилишга чақирди.
Ҳарбий тўнтаришга қадар Нигер Франция ва АҚШнинг хавфсизлик бўйича ҳамкори эди. Ҳар икки давлат ундан Ғарбий ва Марказий Африкадаги исёнчиларга қарши курашда ҳарбий база сифатида фойдаланган.
30 июль, якшанба куни Нигер пойтахтидаги Франция элчихонаси олдига минглаб одамлар намойишга чиққан. Парламент биносига юриш билан бошланган намойишда оломон Россия ва Нигер байроқларини кўтариб олган.
Эслатиб ўтамиз, 26 июль куни Нигер президент гвардияси аъзоларининг бир қисми мамлакат раҳбарига қарши исён кўтарди. Президент Базума қўлга олинди. Кейинроқ Нигер давлат матбуоти гвардия генерали Абдураҳмон Чиани мамлакатнинг янги раҳбари этиб тайинлади.
Изоҳ (0)