Андижон вилояти Олтинкўл туманида дўконга ўғриликка тушганлар 15 ёшли болани уриб, пичоқ билан унга таҳдид қилди. Бу ҳақда Тергов департаменти ахборот хизмати хабар берди.
Унга кўра, 56 ёшли С.Н. Олтинкўл тумани ИИБга ариза билан мурожаат қилиб, бу ҳақда маълум қилган. 16 июль куни соат 00:30 ларда икки нафар номаълум шахс унга тегишли “Меҳнат” МФЙ ҳудудида жойлашган савдо дўконига кириб, дўконда бўлган 15 ёшли жияни Ж.А.ни қўллари билан уриб, пичоқ билан қўрқитган ва унга тегишли бўлган телефон, савдо дўконида бўлган 700 000 сўм пулларини ҳамда қиймати 364 000 сўмлик озиқ-овқат маҳсулотларини талон-торож қилган.
Олиб борилган тергов-тезкор ишлари натижасида, мазкур жиноятни Андижон шаҳрида яшовчи, муқаддам судланган 21 ёшли Э.Ж. ҳамда вояга етмаган 16 ёшли М.И.лар содир этгани аниқланган.
Мазкур ҳолат юзасидан Олтинкўл тумани ИИБ ҳузуридаги Тергов гуруҳи томонидан Э.Ж. ва М.И.ларга нисбатан Жиноят кодексининг 164-моддаси 2-қисми “а,б” бандлари (босқинчилик) билан жиноят иши қўзғатилиб, гумон қилинувчилар процессуал тартибда ушланган.
Ҳозирда тергов ҳаракатлари олиб борилмоқда.
Изоҳ (0)