Лионель Месси “Интер Майами”даги дебют ўйинида сўнгги дақиқаларда жарима зарбасидан гол уриб, жамоасига ғалаба келтирди

Футбол бўйича Leagues Cup турнири гуруҳ босқичида “Интер Майами” ва “Крус Асул” 22 июль, шанба куни ўзаро тўқнаш келди.

Учрашувда Лионель Месси ва Серхио Бускетслар “Интер Майами” сафидаги дебют ўйинларини ўтказди. Аргентиналик ва испаниялик футболчилар 54-дақиқада майдонга тушди.

94-дақиқада эса Месси жарима зарбасидан гол уриб, жамоасига ғалаба келтирди. 

Leagues Cup — Мексика ва АҚШ жамоалари ўйнайдиган клублар ўртасидаги турнир ҳисобланади. Ушбу мусобақа жорий йилдан бошлаб, КОНКАКАФ тасарруфида ўтказилмоқда. Leagues Cup’да дастлабки учта ўринни эгаллаган клублар автоматик равишда КОНКАКАФ Чемпионлар Лигасига йўлланмага эга чиқади. 

Leagues Cup

Гуруҳ босқичи

22 июль, шанба

“Интер Майами” (АҚШ) – “Крус Асул” (Мексика) 2:1

Голлар: 1:0 – Тейлор (44), 1:1 – Антуна (65), 2:1 – Месси (90+4).