Транспорт вазирлигида Тошкент—Андижон пуллик йўлини қуриш лойиҳасини давлат-хусусий шериклик асосида амалга ошириш масаласи муҳокама қилинди, деб хабар бермоқда вазирлик матбуот хизмати.
Маълум қилинишича, 20 июль куни Коrеа Expressway Corporation корпорацияси вакиллари билан бўлиб ўтган учрашувда лойиҳанинг техник хусусиятлари, лойиҳани молиялаштириш масалалари, тендер ўтказиш ва юридик жиҳатлари муҳокама қилинди.
Тошкент—Андижон муқобил пуллик автомобиль йўли қурилиши ҳақида Шавкат Мирзиёев 14 июль куни андижонлик сайловчилар билан учрашувда эълон қилганди. Шу йил охиригача бошланиши айтилган 2,5 миллиард долларлик лойиҳа Жаҳон банки билан биргарликда амалга оширилади.
“Лойиҳани амалга ошириш натижасида Андижондан Тошкент шаҳрига бориш вақти ҳозирги 5 соатдан 3 соатга қисқаради”, — деган эди президент.
Изоҳ (0)