Терининг ўзгариши қаришнинг асосий белгиларидан биридир. Маълум бўлишича, бу онкология каби яқинлашиб келаётган касалликларнинг огоҳлантирувчи аломати ҳам бўлиши мумкин.
Британиянинг Express нашри Reynolds Cancer Support House ташкилотига таяниб, юздаги баъзи ўзгаришлар организмдаги саратон ривожланишини кўрсатиши мумкинлигини хабар қилди.
Шифокорларнинг фикрича, улардан бири қизариш ва шишдир. Шу билан бирга симптомлар орасида диарея, иситма ва нафас қисилиши ҳам мавжуд.
Маълум қилинишича, ўпка саратони билан оғриган одамлар айнан шундай ҳолатни бошдан кечирган: “Изоҳ қуйидагича: ўпканинг майда ҳужайрали ўсмалари одатда кўкрак қафасидаги қон томирларини тўсиб қўйиб, бош териси ва юздан қоннинг эркин ва одатдагидек айланишига тўсқинлик қилади”.
Шуни эсда тутиш керакки, саратон — бу ҳукм эмас, чунки ҳар йили дунёда онкологияга қарши курашнинг янги усуллари ишлаб чиқилмоқда. Аммо фожиали оқибатларга олиб келмаслиги учун мунтазам равишда керакли текширувлардан ўтишингиз зарур. Бу дастлабки босқичларда деярли барча турдаги ўсмаларни аниқлаш ва имкон қадар тезроқ даволанишни бошлашнинг ягона йўли.
Саратоннинг ривожланиши унинг табиатига ва ташхис қўйилган пайтдан бошлаб даволаш давомийлигига боғлиқ. Мисол учун эрта босқичда аниқланган саратон касалликларининг сезиларли қисми тўлиқ даволаниши мумкин.
Яқин қариндошларда касалликларнинг мавжудлиги ҳам муҳим рол ўйнашини унутманг. Агар илгари оилангиз аъзоларидан кимдадир бу қайд этилган бўлса, тез-тез текширувдан ўтиш ва организмдаги ўзгаришларни диққат билан кузатиб бориш керак.
Саратоннинг кўплаб белгиларини мустақил аниқлашингиз мумкин: танадаги шаклланишларни, ўсмаларни пайпаслаб кўринг, ахлат ҳолатини кузатиб боринг, узоқ вақт давомида ўтиб кетмайдиган оғриқларга ва вазнингизга эътибор беринг. Агар кимдир диета каби ҳеч қандай қўшимча омилларсиз озиб кетса, бу ҳам онкологияни кўрсатувчи ёқимсиз қўнғироққа айланиши мумкин.
Онкологлар ўз-ўзини текширишни маслаҳат беришининг сабаби шуки, бу сизга маълум бир ўсма ҳақида гумон қилиш имконини беради ва фойдадан ҳоли бўлмайди. 25 ёшдан бошлаб аёллар вақти-вақти билан сут безларини пальпация йўли билан текширишлари керак, шунда ўсма пайдо бўлмаганига ишонч ҳосил қилишлари мумкин.
Дарвоқе, фаол турмуш тарзини олиб боришни бошлаш ва уларнинг ривожланишининг асосий омиллари — чекиш, спиртли ичимликлар ичиш ва нотўғри овқатланиш каби одатларни ҳаётингиздан чиқариб ташлаш орқали кўпгина онкологик касалликларнинг олдини олиш мумкин.
Изоҳ (0)